FANBOY MOMENT: “விஜய்யை பிடிக்காதவங்க யார்தான் இருக்கா?” — தளபதிக்காக மாஸ் கதை தயார் செய்த அபிஷன் ஜீவிந்த்; ஆனால் நடந்ததோ வேறு!

தமிழ் சினிமாவில் தனது முதல் படமான ‘டூரிஸ்ட் பேமிலி’ (Tourist Family) மூலமே வசூல் ரீதியாகவும், விமர்சன ரீதியாகவும் மிகப்பெரிய வெற்றியைப் பதிவு செய்தவர் இயக்குநர் அபிஷன் ஜீவிந்த் (Abishan Jeevinth). தற்போது ‘வித் லவ்’ (With Love) படத்தின் மூலம் கதாநாயகனாகவும் அறிமுகமாகி ரசிகர்கள் மத்தியில் கவனம்பெற்று வரும் இவர், சமீபத்திய பேட்டி ஒன்றில் தளபதி விஜய் குறித்த தனது தீராத அன்பை வெளிப்படுத்தியுள்ளார்.

“விஜய்யை யாருக்குத்தான் பிடிக்காது? எனக்கும் அவரை மிகவும் பிடிக்கும்,” என்று தொடங்கிய அபிஷன், தனது திரைப்பயணத்தின் ஒரு மிகப்பெரிய கனவு குறித்துப் பகிர்ந்து கொண்டார்.

தளபதிக்காகத் தயாரான ஆக்‌ஷன் கதை:

இயக்குநர் அபிஷன் ஜீவிந்த், தளபதி விஜய்யின் மாஸ் மற்றும் கிளாஸ் இமேஜிற்குப் பொருந்தும் வகையில் ஒரு சிறப்பான ஆக்‌ஷன் கதையை (Action Script) உருவாக்கி வைத்திருந்தாராம். விஜய்யின் ஸ்டைல் மற்றும் திரை ஆளுமைக்கு ஏற்றவாறு அந்தக் கதையின் ஒவ்வொரு காட்சியையும் அவர் செதுக்கியதாகத் தெரிவித்துள்ளார். கோலிவுட்டின் இளம் இயக்குநர்கள் பலரும் விஜய்யை இயக்கக் காத்திருக்கும் நிலையில், அபிஷனும் அந்தக் கனவோடு நீண்ட நாட்களாகக் காத்திருந்துள்ளார்.

அரசியல் வருகையும் கைவிடப்பட்ட கனவும்:

இருப்பினும், அபிஷன் தனது கதையை விஜய்யிடம் கொண்டு செல்லும் முன்பே, தளபதி விஜய் தனது அரசியல் வருகையை (Thamizhaga Vettri Kazhagam) அதிகாரப்பூர்வமாக அறிவித்து, சினிமாவில் இருந்து முழுமையாக விலகுவதாகத் தெரிவித்தார். இது குறித்துப் பேசிய அபிஷன், “விஜய்க்காக ஒரு கதையை எழுதியிருந்தேன், அது ஒரு ஆக்‌ஷன் கதையாக இருந்தது. ஆனால், என்னுடைய நேரம் அவர் அரசியலுக்குச் சென்றுவிட்டார்,” என ஒருவித ஏக்கத்துடன் தெரிவித்துள்ளார்.

விஜய்யின் அரசியல் வருகை சினிமா வட்டாரத்தில் ஒரு பெரிய இடைவெளியை ஏற்படுத்தியுள்ளது. அதே சமயம், விஜய்யின் இந்த முடிவை ஒரு ரசிகராக மதிப்பதாகவும் அபிஷன் கூறியுள்ளார். மேலும், விஜய்யும் ஒருவேளை எதிர்காலத்தில் மீண்டும் ஒருமுறை திரையில் தோன்றினால், தனது கதை அவருக்கு நிச்சயம் பிடிக்கும் என்ற நம்பிக்கையில் அபிஷன் இருக்கிறார்.