தெலுங்கு திரையுலகின் முன்னணி நட்சத்திர ஜோடியான விஜய் தேவரகொண்டா மற்றும் ராஷ்மிகா மந்தனா நடிப்பில் உருவான வரலாற்று அதிரடித் திரைப்படம் ‘ரணபலி’ (Ranabaali).‘ஷியாம் சிங்கா ராய்’ புகழ் இயக்குநர் ராகுல் சங்கிரித்யன் இயக்கத்தில், மைத்ரி மூவி மேக்கர்ஸ் நிறுவனம் பிரம்மாண்டமாகத் தயாரித்த இப்படம் கடந்த அக்டோபர் 16-ஆம் தேதி தசரா பண்டிகையை முன்னிட்டு திரையரங்குகளில் வெளியானது.திருமணத்திற்குப் பிறகு விஜய் தேவரகொண்டா மற்றும் ராஷ்மிகா இணைந்து நடித்த முதல் திரைப்படம் என்பதால் இப்படத்திற்கு ரசிகர்கள் மத்தியில் தனி எதிர்பார்ப்பு இருந்தது.
திரையரங்குகளில் வெளியாகி நான்கு வாரங்கள் நிறைவடைந்துள்ள நிலையில், ‘ரணபலி’ திரைப்படத்தின் அதிகாரப்பூர்வ ஓடிடி வெளியீட்டுத் தேதி தற்போது அறிவிக்கப்பட்டுள்ளது.அதன்படி, பிரபல ஓடிடி தளமான நெட்பிளிக்ஸ் (Netflix) இப்படத்தின் டிஜிட்டல் உரிமையைக் கைப்பற்றியுள்ள நிலையில், நாளை நவம்பர் 13-ஆம் தேதி முதல் இப்படம் ஸ்ட்ரீமிங் செய்யப்படவுள்ளது.தெலுங்கு மட்டுமின்றி தமிழ், மலையாளம், கன்னடம் மற்றும் இந்தி ஆகிய ஐந்து மொழிகளின் ஆடியோவுடன் ரசிகர்கள் தங்கள் விருப்பமான மொழியில் இப்படத்தைக் கண்டு ரசிக்கலாம்.
1870-களில் ஆங்கிலேயர் ஆட்சிக் காலத்தில் நிலவிய கடும் பஞ்சம் மற்றும் அடக்குமுறைகளுக்கு எதிராகப் போராடும் சிங்கனமலை பொப்பிலி ரணபலி என்ற போராளியின் கதையை மையமாகக் கொண்டு இப்படம் உருவாகியுள்ளது.ரணபலியாக விஜய் தேவரகொண்டாவும், அவரது மனைவி ஜெயம்மாவாக ராஷ்மிகா மந்தனாவும் நடித்துள்ளனர்.மேலும், ‘தி மம்மி’ புகழ் ஹாலிவுட் நடிகர் அர்னால்ட் வோஸ்லூ வில்லனான பிரிட்டிஷ் அதிகாரியாக இந்திய சினிமாவில் அறிமுகமாகியுள்ளார்.அஜய்-அதுல் இசையமைத்துள்ள இப்படத்தை திரையரங்குகளில் தவறவிட்ட ரசிகர்கள், நாளை முதல் நெட்பிளிக்ஸ் தளத்தில் காணலாம்.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
