பன்முகத் திறமை கொண்ட முன்னணி நட்சத்திர நடிகர் ஃபகத் பாசில் (Fahadh Faasil) கதையின் நாயகனாக நடித்துள்ள தெலுங்கு திரைப்படமான ‘டோன்ட் டிரபுள் தி டிரபுள்’ (Don’t Trouble the Trouble) திரைப்படம் குறித்த அதிகாரப்பூர்வ ஓடிடி அப்டேட் வெளியாகியுள்ளது.
இத்திரைப்படம் வரும் அக்டோபர் 30-ஆம் தேதி (October 30) முதல் பிரபல சர்வதேச ஓடிடி தளமான நெட்ஃபிலிக்ஸ் (Netflix) தளத்தில் அதிகாரப்பூர்வமாக ஸ்ட்ரீமிங் ஆகவுள்ளது. தெலுங்கு, தமிழ், மலையாளம், ஹிந்தி மற்றும் கன்னடம் என 5 முக்கிய மொழிகளில் இத்திரைப்படம் ஒரே நேரத்தில் டிஜிட்டல் பிரீமியர் செய்யப்படவுள்ளது.
இயக்குநர் சசாங்க் யெலேட்டி (Shashank Yeleti) இயக்கியுள்ள இத்திரைப்படத்தில் ஃபகத் பாசிலுடன் இணைந்து சரா பாலேக்கர் (Ssara Palekar), சௌரப் சச்தேவா (Saurabh Sachdeva), மகேஷ் மஞ்ச்ரேகர் (Mahesh Manjrekar) மற்றும் சுப்பராஜு (Subbaraju) உள்ளிட்ட பல முன்னணி நடிகர்கள் முக்கியக் கதாபாத்திரங்களில் நடித்துள்ளனர். வித்யாசமான fantasy கதையம்சமும் கலகலப்பான நகைச்சுவையும் நிறைந்த இத்திரைப்படத்தைக் காண ரசிகர்கள் மற்றும் டிஜிட்டல் வாசகர்கள் ஆர்வமுடன் காத்திருக்கின்றனர்.
