தென்னிந்தியத் திரையுலகில் வசூல் சாதனை படைத்து வெற்றிகரமாகத் திரையரங்குகளில் ஓடிக்கொண்டிருக்கும் சூப்பர் ஸ்டார் ரஜினிகாந்தின் ‘ஜெயிலர் 2’ திரைப்படம் குறித்த புதிய தகவல் வெளியாகியுள்ளது. நெல்சன் திலீப்குமார் இயக்கத்தில், சன் பிக்சர்ஸ் சார்பில் கலாநிதி மாறன் தயாரிப்பில் உருவாகியுள்ள இப்படம் ரசிகர்களிடையே மாபெரும் வரவேற்பைப் பெற்றுள்ளது. இந்நிலையில் இப்படத்தின் ஓடிடி டிஜிட்டல் ஒளிபரப்பு உரிமம் குறித்த அறிவிப்பு வெளியாகியுள்ளது.
வெளியான சில நாட்களிலேயே பாக்ஸ் ஆபிஸில் பல கோிகளைக் குவித்து வரும் இப்படத்தின் டிஜிட்டல் ஸ்ட்ரீமிங் உரிமையை முன்னணி ஓடிடி தளமான அமேசான் பிரைம் வீடியோ (Amazon Prime Video) நிறுவனம் அதிகாரப்பூர்வமாகக் கைப்பற்றியுள்ளதாக தகவல்கள் வெளியாகியுள்ளது . 2023-ல் வெளியான ‘ஜெயிலர்’ படத்தின் முதல் பாகமும் அமேசான் பிரைம் தளத்தில் வெளியாகி மிகப்பெரிய சாதனையைப் படைத்த நிலையில், தற்போது இரண்டாம் பாகத்தின் டிஜிட்டல் உரிமையும் அதே தளத்தால் பெறப்படயுள்ளது குறிப்பிடத்தக்கது.
இப்படத்தில் ரஜினிகாந்துடன் ரம்யா கிருஷ்ணன், யோகி பாபு, மிர்னா மற்றும் ரித்விக் ஆகியோர் தங்களது முந்தைய கதாபாத்திரங்களில் தொடர்வதுடன், எஸ்.ஜே.சூர்யா, மிதுன் சக்கரவர்த்தி, சுராஜ் வெஞ்சாரமூடு மற்றும் வித்யா பாலன் உள்ளிட்ட பல நட்சத்திரங்களும் புதிதாக இணைந்திருப்பது படத்திற்கு கூடுதல் பலம் சேர்த்துள்ளது. திரையரங்குகளில் வெற்றிகரமாக ஓடிவரும் இப்படம், தியேட்டர் ஓட்டம் நிறைவடைந்த பிறகு அமேசான் பிரைம் வீடியோ ஓடிடி தளத்தில் வெளியாகவுள்ளது. தியேட்டர்களில் திருவிழாக்கோலமாகக் கொண்டாடி வரும் ரசிகர்களுக்கு இந்த ஓடிடி அறிவிப்பு கூடுதல் மகிழ்ச்சியை அளித்துள்ளது.
