மலையாளத் திரையுலகத்துல இப்போ ரெண்டு சிங்கங்களும் ஒரே நேரத்துல கர்ஜிக்க ஆரம்பிச்சிருக்குன்னு தான் சொல்லணும். ஒரே நாள்ல நம்ம லால் ஏட்டன் நடிக்கும் L366 மற்றும் மம்மூக்கா நடிக்கும் பாதயாத்ரா படங்களின் படப்பிடிப்பு தொடங்கி சோசியல் மீடியாவைத் திணறடிச்சுட்டு இருக்கு. மோகன்லால் – தருண் மூர்த்தி கூட்டணியும், மம்மூட்டி – அடூர் கோபாலகிருஷ்ணன் கூட்டணியும் இன்னைக்குப் படப்பிடிப்பைத் தொடங்கி ஒரு பெரிய சினிமா திருவிழாவையே கொண்டாடிட்டு இருக்காங்க.
முதல்ல நம்ம மோகன்லாலை எடுத்துக்கிட்டா, ‘L360’ முடிஞ்ச கையோட இப்போ தகுந்த இடைவேளைக்குப் பிறகு தருண் மூர்த்தியோட திரும்பவும் இணைஞ்சிருக்கார். இந்த ‘L366’ படப்பிடிப்பு இன்னைக்குத் தொடுபுழாவுல ஆரம்பிச்சிருக்கு. மீரா ஜாஸ்மின் ஹீரோயினா நடிக்கிற இந்தப் படத்துல, லால் ஏட்டன் ஒரு போலீஸ் அதிகாரியா வர்றதா பேச்சு ஓடுது. ஆனா இன்னைக்கு வந்த பூஜை போட்டோவுல தாடியோட அவர் இருக்குற அந்த லுக், கண்டிப்பா ஏதோ ஒரு பெரிய ‘சம்பவம்’ காத்துக்கிட்டு இருக்குறதைக் காட்டுது.
அடுத்த பக்கம் பார்த்தா, மம்மூட்டி ஒரு வேற லெவல் கூட்டணி அமைச்சிருக்கார். கிட்டத்தட்ட 32 வருஷத்துக்கு அப்புறம் உலகப் புகழ் பெற்ற இயக்குநர் அடூர் கோபாலகிருஷ்ணனோட ‘பாதயாத்ரா’ படத்துக்காக மம்மூக்கா கை கோர்த்திருக்கார். ‘மதிலுகள்’, ‘விதேயன்’னு கிளாசிக் படங்களைக் கொடுத்த இந்த ஜோடி திரும்பவும் வர்றது சினிமா ரசிகர்களுக்கு ஒரு பெரிய வரப்பிரசாதம். இது மம்மூட்டியோட சொந்த தயாரிப்பு நிறுவனம் மூலமாவே உருவாகுதுங்கிறது இன்னும் கூடுதல் ஸ்பெஷல்.
மலையாள சினிமாவை அடுத்த கட்டத்துக்குக் கொண்டு போகப்போற இந்த ரெண்டு புராஜெக்ட்களுமே இப்போவே பயங்கர எக்ஸ்பெக்டேஷனை கிளப்பிருக்கு. ஒரு பக்கம் எதார்த்தமான கதைகளைத் தர்ற தருண் மூர்த்தி, இன்னொரு பக்கம் கலைநயத்துல மிரட்டுற அடூர் – இது ரெண்டுமே ரசிகர்களுக்கு ஒரு பெரிய விருந்து தான். நம்ம ஊர்ல விஜய்-தனுஷ் அப்டேட்டுகள் எப்படி அதிருமோ, அந்த மாதிரி கேரளாவுல இப்போ லால்-மம்மூட்டி கூட்டணி பட்டையைக் கிளப்புது. இந்த ரெண்டு படங்களோட அடுத்தடுத்த ஷூட்டிங் ஸ்பாட் வீடியோக்களுக்காக ரசிகர்கள் இப்போவே தவம் கிடக்க ஆரம்பிச்சுட்டாங்க!
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
