சின்னத்திரையில் தங்களது அசாத்திய காமெடியால் கலக்கி, நிஜ வாழ்க்கையில் ஏழை எளிய மக்களுக்குத் தொடர்ந்து உதவி செய்து ஒட்டுமொத்த தமிழகத்தின் ‘ரியல் ஹீரோ’வாக வலம் வருபவர் தான் நம்ம கேபிஒய் பாலா (KPY Bala). ஏற்கனவே வெள்ளித்திரையில் முதன்மை கதாபாத்திரங்களில் நடித்து முத்திரை பதித்த பாலா, தற்பொழுது தங்களது அடுத்த பிரம்மாண்ட ஸ்போர்ட்ஸ் எண்டர்டெய்னர் திரைப்படத்தின் மூலம் ஒரு மிகப்பெரிய வரலாற்றுச் சாதனையைத் தமிழ் சினிமாவில் படைக்கக் களம் இறங்கியுள்ளார்.
விஜய் டிவி புகழ் கேபிஒய் பாலா நடிப்பில், தமிழ் சினிமாவின் முதல் பேட்மிண்டன் விளையாட்டு பின்னணி திரைப்படமாக உருவாகவிருக்கும் இந்த புதிய படத்திற்கு தற்பொழுது ‘ரிமேட்ச்’ (Rematch) என மாஸாகப் பெயரிடப்பட்டுள்ளது. இந்த படத்தின் பிரம்மாண்ட படப்பிடிப்பு பூஜை இன்று காலை கோலாகலமாகத் தொடங்கியுள்ள நிலையில், ஒட்டுமொத்த திரையுலகையும் திரும்பிப் பார்க்க வைக்கும் வகையில் இந்த படத்தின் அதிரடியான டைட்டில் லுக் போஸ்டர் தற்பொழுது வெளியாகியுள்ளது.
The shuttle is in the air and the game is officially ON! 👀✨
Proud to unveil the title look of #KPYBala’s #REMATCH — the first badminton sports-based story in Tamil cinema 🏸🔥
Wishing the entire team a winning journey filled with passion, energy, and success ✨🏆… pic.twitter.com/5T8dJEpDHL
— Arya (@arya_offl) May 28, 2026
தமிழ் சினிமாவின் ஃபிட்னஸ் ஐகானும், முன்னணி நடிகருமான ஆர்யா (Arya) தங்களது அதிகாரப்பூர்வ சோசியல் மீடியா பக்கங்கள்ல இந்த ‘ரிமேட்ச்’ படத்தின் டைட்டில் லுக்கை வெளியிட்டு படக்குழுவினருக்குத் தங்களது மனமார்ந்த வாழ்த்துகளைத் தெரிவித்துள்ளார். போஸ்டரைப் பகிர்ந்துள்ள ஆர்யா, “தி ஷட்டில் இஸ் இன் தி ஏர் அண்ட் தி கேம் இஸ் அஃபிஸியலி ஆன்!” (The shuttle is in the air and the game is officially ON) என செம எனர்ஜிட்டிக்கான கேப்ஷனுடன் தமிழ் சினிமாவின் முதல் பேட்மிண்டன் ஸ்போர்ட்ஸ் கதையான இந்த ரிமேட்ச் படக்குழுவினருக்கு வாழ்த்துகளைத் தெரிவிச்சிருக்காரு.
நிஜ வாழ்க்கையிலும் ஸ்போர்ட்ஸ் மற்றும் சைக்கிளிங் மீது வெறித்தனமான காதல் கொண்ட ஆர்யா இந்த படத்தின் டைட்டிலை லான்ச் செய்திருப்பது படத்திற்கு இன்னும் கூடுதல் பலத்தைக் கொடுத்துள்ளது. பாலாவுடன் இணைந்து சந்தோஷ் பிரதாப், செல் முருகன், இளவரசு ஆகியோர் முக்கிய வேடங்களில் நடிக்கும் இந்த படத்திற்கு அச்சு ராஜாமணி இசையமைக்கிறார். ஆர்யா வெளியிட்ட இந்த ‘ரிமேட்ச்’ படத்தின் பவர்ஃபுல்லான டைட்டில் லுக் போஸ்டர் தான் பாலாவின் ரசிகர்களால் செம ஸ்பீடாக ஷேர் ஆகி டாப் ட்ரெண்டிங்கில் முதலிடம் பிடிச்சு வருது.
