தமிழ் சினிமாவில் யதார்த்தமான கதைகளை வழங்கி தனி முத்திரை பதித்த இயக்குநர் பாலாஜி தரணீதரன் இயக்கத்தில், மக்கள் செல்வன் விஜய் சேதுபதி மற்றும் லிஜோமோல் ஜோஸ் முதன்மை கதாபாத்திரங்களில் நடித்துள்ள புதிய திரைப்படம் ‘பத்தா’ (Baththa). இப்படத்திற்கு சாய் அபியங்கர் இசையமைத்துள்ளார்.
தந்தை மற்றும் மகளுக்கு இடையேயான பாசப் பிணைப்பை மையமாகக் கொண்டு உருவாகியுள்ள இப்படத்தின் மீதான எதிர்பார்ப்பு அதிகரித்துள்ள நிலையில், படத்திலிருந்து முதல் பாடலான ‘மகளே’ (Magale) பாடல் தற்போது வெளியாகியுள்ளது. “செல்லமே மகளே சொந்தமானதே…” எனத் தொடங்கும் இப்பாடலை இசையமைப்பாளர் சாய் அபியங்கர் மிகவும் எமோஷனலாகவும் சோல்ஃபுல்லாகவும் உருவாக்கிக் கொடுத்துள்ளார்.
ரசிகர்களின் மனதை உருக்கும் வகையில் அமைந்துள்ள இப்பாடலின் லிரிக்கல் வீடியோ இணையத்தில் வைரலாகி வருகிறது. இப்படத்தின் போஸ்ட் புரொடக்ஷன் பணிகள் விறுவிறுப்பாக நடைபெற்று வரும் நிலையில், இப்படம் வரும் அக்டோபர் 1, 2026 அன்று பிரம்மாண்டமாக திரையரங்குகளில் வெளியாகவுள்ளது எனப் படக்குழு அதிகாரப்பூர்வமாக அறிவித்துள்ளது. விஜய் சேதுபதியின் நடிப்பில் அக்டோபரில் வெளியாகும் இப்படம் பாக்ஸ் ஆபிஸில் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
