மக்கள் செல்வன் விஜய் சேதுபதி (Vijay Sethupathi) மற்றும் லிஜோமோல் ஜோஸ் நடிப்பில், இயக்குநர் பாலாஜி தரணீதரன் இயக்கத்தில் உருவாகி திரையரங்குகளில் வெற்றிகரமாக ஓடிக்கொண்டிருக்கும் திரைப்படம் ‘பத்தா’ (Baththa). சாய் அபியங்கர் இசையில் முற்றிலும் மாறுபட்ட கதைக்களத்துடன் வெளியாகியுள்ள இப்படம், ரசிகர்களிடையே நல்ல வரவேற்பைப் பெற்று வெற்றிகரமாக தனது இரண்டாவது வாரத்தில் அடி எடுத்து வைத்துள்ளது.
வெளியான முதல் வார முடிவில், இப்படம் இந்தியா முழுவதும் சுமார் 1,309 ஷோக்களுடன் நிலையான வசூலைப் பதிவு செய்துள்ளது. 7-வது நாள் முடிவில் மட்டும் இப்படம் இந்திய அளவில் Rs.1.29 கோடி நெட் வசூலைப் பெற்றுள்ளது.இதன் மூலம் படத்தின் மொத்த இந்திய கிராஸ் (Gross) வசூல் Rs. 16.26 கோடியையும், மொத்த நெட் வசூல் Rs. 14.04 கோடியையும் எட்டியுள்ளது.
தற்போது வார இறுதி நாட்கள் நெருங்கி வரும் நிலையில், குடும்பங்கள் மற்றும் இளைஞர்களின் வருகை அதிகரிக்கும் என்று எதிர்பார்க்கப்படுகிறது. குறிப்பாக, வரும் அக்டோபர் 11-ம் தேதிக்குள் இப்படம் இந்திய அளவில் 20 கோடி ரூபாய் வசூல் மைல்கல்லைத் தொடுமா என்பதைப் பொறுத்திருந்து பார்க்க வேண்டும். சில்லறைத் திரையரங்குகளில் நிலையான கூட்டத்தைக் பெற்றுவரும் இப்படம் பாக்ஸ் ஆபிஸில் தனது வெற்றிகரமான ஓட்டத்தைத் தொடர்ந்து வருகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
