‘பன் பட்டர் ஜாம்’ (Bun Butter Jam) படத்தின் மூலம் கவனம் ஈர்த்த இயக்குநர் ஆர்.ராகவ் மிர்தாத் (R Raghav Mirdath), தற்போது தனது அடுத்த புதிய திரைப்படத்தின் அறிவிப்பை வெளியிட்டுள்ளார். ஜிஎம் மோர்கன் ஃபில்ம்ஸ் (GM Morgan Films) தயாரிப்பில் உருவாகும் இப்படம் ஒரு வித்தியாசமான சர்ரியல் திரைப்படமாக (Surreal Film) தயாராகி வருகிறது.
இப்படத்தின் அதிகாரப்பூர்வ டைட்டில் மற்றும் ஃபர்ஸ்ட் லுக் (Title & First Look) போஸ்டர் விரைவில் வெளியாகும் எனப் படக்குழு அறிவித்துள்ளது. “நாம் தற்செயலாக ஒரு வார்ம்கோலைத் திறந்து பதிவு செய்தோம்…” (We Accidentally Opened A Wormhole and Recorded…) என்ற விசித்திரமான குறிப்புடன் வெளியாகியுள்ள இந்த போஸ்டர் சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது.
மேலும், இப்படத்தில் ஒரு பைத்தியக்கார விஞ்ஞானி, விசித்திரமான துப்பறிவாளர்கள், குழப்பமான தேவதை, ஒரு கொடூரமான சூனியக்காரி மற்றும் பயமுறுத்தும் மேஸ் (Scary Maze) போன்ற சுவாரஸ்யமான கற்பனை கதாபாத்திரங்கள் இடம்பெற்றுள்ளதாகப் படக்குழு குறிப்பிட்டுள்ளது. முழுக்க முழுக்க எதிர்பார்ப்புகளைக் கூட்டக்கூடிய இந்த புதிய படம் குறித்த அடுத்தடுத்த அப்டேட்டுகள் விரைவில் வெளிவரும்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
