தமிழ் திரையுலகின் பெரிதும் எதிர்பார்க்கப்படும் படங்களில் ஒன்றான ‘ஹாய்’ (Hi) திரைப்படத்தின் புதிய வெளியீட்டுத் தேதி அதிகாரப்பூர்வமாக அறிவிக்கப்பட்டுள்ளது.
நடிகர் கவின் மற்றும் நயன்தாரா முதன்முறையாக இணைந்து நடித்துள்ள இப்படத்தை, இயக்குநர் லோகேஷ் கனகராஜின் முன்னாள் உதவியாளரான விஷ்ணு எடவன் இயக்குகிறார். ஜிவி பிரகாஷ் இசையில் ஏற்கனவே வெளியான பாடல்கள் ரசிகர்களைக் கவர்ந்துள்ள நிலையில், இப்படம் ஆகஸ்ட் 14-ஆம் தேதி வெளியாகும் எனத் திட்டமிடப்பட்டிருந்தது. எனினும், திரையரங்குகளில் நிலவும் சூழல் மற்றும் பிற படங்களின் மோதலைத் தவிர்க்கும் வகையில் தற்போது படத்தின் ரிலீஸ் தேதி மாற்றப்பட்டுள்ளது.
View this post on Instagram
இதனை அறிவிக்கும் விதமாக படக்குழு வெளியிட்டுள்ள புதிய ப்ரோமோ வீடியோ சமூக வலைதளங்களில் வைரலாகி வருகிறது. அந்த வீடியோவில், கவின் தன் பட அறிவிப்பு குறித்துப் பேசுகையில், “பேச்சு ரெடி, முக்கியமா பேச்சு ஃபயரா இருக்கணும்” என்று உற்சாகமாகக் கூற, அதற்கு நயன்தாரா கலாய்க்கும் விதமாக, “உங்க பேச்சு ஃபயரா இருக்குமா, ஸ்டேட்டெல்லாம் அதிருமா? நம்ம எதுக்கு பேசணும், படம் பேசட்டும் ஜி” என்று கலகலப்பாகப் பேசுகிறார். ஜீ ஸ்டுடியோஸ், செவன் ஸ்கிரீன் ஸ்டுடியோ மற்றும் நயன்தாராவின் ரவுடி பிக்சர்ஸ் (Rowdy Pictures) இணைந்து தயாரித்துள்ள இப்படம், வரும் ஆகஸ்ட் 28-ஆம் தேதி உலகமெங்கும் உள்ள திரையரங்குகளில் வெளியாகவுள்ளது.
