தமிழ், தெலுங்கு மற்றும் மலையாளத் திரையுலகில் மிகுந்த எதிர்பார்ப்பை ஏற்படுத்தியுள்ள ஃபஹத் பாசிலின் புதிய திரைப்படமான ‘டொண்ட் ட்ரபிள் தி ட்ரபிள்’ (Don’t Trouble The Trouble) குறித்த அதிகாரப்பூர்வ தகவல் வெளியாகியுள்ளது. முன்னதாக செப்டம்பர் 11-ஆம் தேதி வெளியாகும் என அறிவிக்கப்பட்டிருந்த இப்படம், தற்போது ஒத்திவைக்கப்பட்டு புதிய தேதியில் திரைக்கு வரவுள்ளது.
ஷசாங்க் யெலேட்டி இயக்கத்தில், ஃபஹத் பாஸில் மற்றும் குழந்தை நட்சத்திரம் சாரா பலேகர் முக்கியக் கதாபாத்திரங்களில் நடித்துள்ள இப்படம், வரும் அக்டோபர் 2-ஆம் தேதி (October 2) உலகமெங்கும் உள்ள திரையரங்குகளில் அதிகாரப்பூர்வமாக வெளியாகவுள்ளது. இப்படத்திற்கு காலா பைரவா இசையமைத்துள்ளார். ஹைதராபாத்தைச் சேர்ந்த தெரு மந்திரவாதியாக ஃபஹத் பாஸில் நடித்துள்ள இந்த ஃபேண்டஸி திரைப்படத்தின் புதிய ரிலீஸ் அறிவிப்பு ரசிகர்களை உற்சாகத்தில் ஆழ்த்தியுள்ளது.
