சிதம்பரம் நடராஜர் கோயில் நிலங்களை உடனே மீட்க வேண்டும்… நீதிமன்றம் அதிரடி உத்தரவு…!

சிதம்பரம் நடராஜர் கோயில் நிலங்களை உடனே மீட்க வேண்டும் என்று நீதிமன்றம் அதிரடி உத்தரவு பிறப்பித்து இருக்கின்றது.

சிதம்பரம் நடராஜர் கோயிலுக்கு சொந்தமான 3000 ஏக்கர் நிலத்தில் 2000 ஏக்கர் நிலங்களை தீட்சகர்கள் விற்று விட்டதாக இந்து சமய அறநிலைத்துறை ஒரு முக்கிய குற்றச்சாட்டை முன் வைத்தது. இது மிகப்பெரிய அதிர்ச்சியை ஏற்படுத்தியது. நிலம் விற்கப்பட்டதாக கூறப்படுவது பற்றி ஆவணங்களுடன் அறிக்கை தாக்கல் செய்ய வேண்டும் என்று அறநிலையத்துறைக்கு சென்னை உயர்நீதிமன்றம் ஏற்கனவே உத்தரவிட்டிருந்தது .

இந்நிலையில் இந்த வழக்கு மீதான விசாரணை இன்று சென்னை உயர்நீதிமன்றத்தில் நடந்தது. அப்போது சிதம்பரம் நடராஜர் கோயிலுக்கு சொந்தமான நிலங்களை மீட்பதற்கு கடலூர் மாவட்ட ஆட்சியருக்கு சென்னை உயர்நீதிமன்ற உத்தரவிட்டிருந்தது. சிதம்பரம் நடராஜர் கோயிலுக்கு சொந்தமான 3000 ஏக்கர் நிலங்களையும் நடவடிக்கை எடுக்க வேண்டும் என்று மனுத்தாக்கல் செய்யப்பட்டுள்ளது.

சிதம்பரம் நடராஜர் கோயிலுக்கு சொந்தமான நிலங்களை பொது தீட்சகர்கள் முறையாக பராமரிக்கவில்லை என்றும் குற்றம் தெரிவிக்கப்பட்டுள்ளது. இந்நிலையில் நிலங்களை மீட்பது தொடர்பாக விசாரணை நடத்தி 12 வாரத்தில் தேவையான நடவடிக்கைகளை எடுக்க ஆட்சியருக்கு சென்னை உயர்நீதிமன்றம் உத்தரவிட்டுள்ளது.