சென்சார் சோதனையில் சிக்கிய ரஜினியின் ‘ஜெயிலர் 2’: ‘ஏ’ அல்லது ‘உ/ஏ’ சான்றிதழுக்காக நடக்கும் விவாதம் என்ன?

சூப்பர் ஸ்டார் ரஜினிகாந்த் நடிப்பில், இயக்குநர் நெல்சன் திலீப்குமார் இயக்கத்தில் மிகுந்த எதிர்பார்ப்பை ஏற்படுத்தியுள்ள ‘ஜெயிலர் 2’ (Jailer 2) படத்தின் சென்சார் பணிகள் அதிகாரப்பூர்வமாக நிறைவடைந்துள்ளன. படத்தை முன்கூட்டியே பார்த்த சென்சார் அதிகாரிகள், இது பாக்ஸ் ஆபிஸில் ஒரு உறுதியான பிளாக்பஸ்டர் ஹிட் (Sure-shot hit) அடிப்பது உறுதி என்று வெகுவாகப் பாராட்டியுள்ளனர். வழக்கம்போல முதல் பாகத்தைப் போலவே இப்படத்திலும் அதிரடியான ஆக்‌ஷன் மற்றும் வன்முறைக் காட்சிகள் நிறைந்திருப்பதாகத் தகவல்கள் தெரிவிக்கின்றன.

எனினும், படத்தின் சான்றிதழ் விஷயத்தில் தற்போது ஒரு சிறிய குழப்பம் நிலவி வருகிறது. படத்தில் ஒரு முக்கியமான காட்சியில் மனிதனின் தலை துண்டிக்கப்பட்டு டைனிங் டேபிளில் வைக்கப்படும் விசாசுவல் இடம்பெற்றுள்ளது. இந்தக் காட்சியை நீக்கினால் படத்திற்கு ‘யு/ஏ’ (U/A) சான்றிதழ் வழங்கத் தயாராக இருப்பதாகவும், அப்படியே அந்த இரக்கமற்ற வன்முறைக் காட்சியைத் தக்கவைக்க விரும்பினால் ‘ஏ’ (A) சான்றிதழ் வழங்கப்படும் என்றும் சென்சார் அதிகாரிகள் நிபந்தனை விதித்துள்ளனர். இந்த விவகாரத்தில் இயக்குநர் நெல்சன் இந்தக் காட்சி கதையின் வீச்சுக்கு மிகவும் முக்கியமானது என்று கருதுகிறார். ஆனால், குடும்பங்கள் மற்றும் அனைத்துத் தரப்பு ரசிகர்களும் திரையரங்குகளில் படத்தைக் கண்டு ரசிக்க வேண்டும் என்பதற்காக சூப்பர் ஸ்டார் ரஜினிகாந்த் ‘யு/ஏ’ சான்றிதழ் பெற வேண்டும் என்று விரும்புவதாகக் கூறப்படுகிறது. இதன் இறுதி முடிவு என்னவென்பதை அறிய ரசிகர்கள் ஆவலுடன் காத்திருக்கின்றனர்.

இப்படத்தில் மிரட்டலான முக்கிய வில்லனாக நடிகர் எஸ்.ஜே. சூர்யா நடித்துள்ளார். மேலும், மலையாள சூப்பர் ஸ்டார் மோகன்லால் ஒரு காட்சியிலும், பாலிவுட் நடிகர் ஹிர்திக் ரோஷன் சிறப்புத் தோற்றத்திலும் (Cameo) களமிறங்குவது படத்தின் மீதான எதிர்பார்ப்பை பலமடங்கு உயர்த்தியுள்ளது. இவர்களுடன் இணைந்து பிரபல குணச்சித்திர நடிகர் நமோ நாராயணன் மிகச்சிறந்த நடிப்பை வெளிப்படுத்தி ரசிகர்களை அசத்தப் போவதாகவும், இவரது கதாபாத்திரம் படத்தின் மிகப்பெரிய ஹைலைட்டாக அமையும் என்றும் சினிமா வட்டாரங்கள் தெரிவிக்கின்றன.