ஏப்ரல் 20 ஆம் தேதி ஊரடங்கில் தளர்வுகள் அளிக்கப்படும் என மோடி அறிவித்திருந்த நிலையில் அதற்கான வழிகாட்டல்கள் வெளியாகியுள்ளன.
மத்திய உள்துறை அமைச்சகம் வெளியிட்டுள்ள அறிவிப்பின் படி கீழ்க்காணும் தொழிற்துறைகளுக்கு தளர்வுகள் வழங்கப்பட்டுள்ளதாக சொல்லப்பட்டுள்ளது.
- விவசாயம் சார்ந்த நிறுவனங்கள் மற்றும் பழுது நீக்கும் தொழிலகங்கள் இயங்கலாம். விளைபொருள் கொள்முதலுக்கு அனுமதி
- மாவட்டங்கள் மற்றும் மாநிலங்களுக்கு இடையிலான போக்குவரத்துக்குத் தடை நீட்டிக்கப்படுகிறது.
- நகரங்களுக்கு வெளியே அமைந்துள்ள தொழிலகங்கள் இயங்க அனுமதி அளிக்கப்பட்டுள்ளது. வேலைக்கு வரும் தொழிலாளர்களுக்கு உரிய பாதுகாப்பு வசதிகள் செய்து தரப்பட வேண்டும்,
- நூறு நாள் வேலை ஏப்ரல் 20 முதல் தொடங்கலாம். பணியாளர்கள் தனி மனித இடைவெளியைக் கடைபிடித்து வேலை செய்ய வேண்டும்,
- எலக்ட்ரீசியன், பிளம்பர், தச்சு வேலை செய்வோர் தங்கள் தொழிலுக்கு செல்லலாம்
- திரையரங்குகள், வணிக வளாகங்கள், வழிபாட்டுத் தளங்கள் மற்றும் கல்வி ஆகியவற்றுக்கு விதிக்கப்பட்ட தடை நீட்டிக்கப்பட்டுள்ளது.
- சிறப்பு பொருளாதார மண்டலங்களில் உள்ள ஆலைகள், ஏற்றுமதி தொடர்பான வேலைகளில் ஈடுபடலாம்.
- கொரோனா பாதிப்பு அதிகமாக உள்ளதாக முடக்கப்பட்ட பகுதிகளுக்கு இந்த தளர்வு பொருந்தாது.
