தமிழ் சினிமாவின் வசூல் சக்கரவர்த்தி சிவகார்த்திகேயன் மற்றும் உலக நாயகன் கமல்ஹாசனின் ஆர்.கே.எஃப்.ஐ மீண்டும் இணையும் ‘சேயோன்’ திரைப்படம் கோலிவுட்டில் பெரும் அதிர்வலைகளை ஏற்படுத்தியுள்ளது. இந்தப் படத்தில் எஸ்கே-வுக்கு ஜோடியாக நடிக்கப்போகும் அந்தப் பெண் யார் என்ற மில்லியன் டாலர் கேள்விக்கு இன்று ஒரு அதிரடியான விடை கிடைத்துள்ளது. நடிகை பாக்யஸ்ரீ போர்ஸ் இன்று தனது 26-வது பிறந்தநாளைக் கொண்டாடும் வேளையில், அவரைப் படத்தின் கதாநாயகியாகப் படக்குழு அதிகாரப்பூர்வமாக வரவேற்றுள்ளது.
இயக்குநர் சிவகுமார் முருகேசன் இயக்கத்தில் உருவாகும் இந்தப் படம், முழுக்க முழுக்க ஒரு கிராமத்து பின்னணியில் அமைந்த ஆக்ஷன் கமர்ஷியல் விருந்தாகத் தயாராகி வருகிறது. முருகப் பெருமானின் பெயரான ‘சேயோன்’ என்ற தலைப்பிலேயே இந்தப் படம் உருவாவதால், இதில் மண்ணின் மணமும் அதிரடியும் சரிபாதியாக இருக்கும் என எதிர்பார்க்கப்படுகிறது. ‘அமரன்’ படத்தின் பிரம்மாண்ட வெற்றியைத் தொடர்ந்து, சிவகார்த்திகேயன் மற்றும் ஆர்.கே.எஃப்.ஐ கூட்டணி மீண்டும் இணைந்திருப்பது ரசிகர்களுக்கு ஒரு செம ட்ரீட்டாக அமைந்துள்ளது.
View this post on Instagram
பாக்யஸ்ரீ போர்ஸ் ஏற்கனவே ‘காந்தா’ திரைப்படத்திற்குப் பிறகு தமிழில் தனக்கென ஒரு இடத்தை பிடித்துள்ளார். தற்போது சிவகார்த்திகேயனுடன் அவர் இணைந்திருப்பது படத்தின் மீதான எதிர்பார்ப்பை எகிற வைத்துள்ளது. சந்தோஷ் நாராயணனின் துள்ளலான இசை இந்தப் படத்தின் கதைக்களத்திற்குப் பெரும் பலமாக இருக்கும் என்பதில் சந்தேகமில்லை. விவேக் விஜயகுமாரின் ஒளிப்பதிவில் கிராமத்து அழகைத் திரையில் கொண்டு வர படக்குழு திட்டமிட்டுள்ளது.
அக்டோபர் 2026-ல் வெளியாகத் திட்டமிடப்பட்டுள்ள ‘சேயோன்’, சிவகார்த்திகேயனின் திரைப்பயணத்தில் ஒரு முக்கியமான மைல்கல்லாக அமையும் எனத் திரையுலகினர் கணித்துள்ளனர். பாக்ஸ் ஆபீஸில் சிவகார்த்திகேயனின் மார்க்கெட் உச்சத்தில் இருப்பதால், இந்தப் படம் உலக அளவில் பெரிய கவனத்தை ஈர்க்கும் எனத் தெரிகிறது. ஆக்ஷன், சென்டிமென்ட் என இரண்டுமே கலந்த ஒரு பக்காவான கமர்ஷியல் பேக்கேஜாக இது அமையப்போகிறது.
