தமிழ் சினிமாவின் முன்னணி நடிகரான சூர்யா நடிப்பில், இயக்குநர் வெங்கட் அட்லூரி இயக்கத்தில் உருவான திரைப்படம் ‘விஸ்வநாத் அண்ட் சன்ஸ்’ (Vishwanath & Sons). திரையரங்குகளில் பெரும் வரவேற்பைப் பெற்ற இப்படம், தற்போது ஓடிடி தளமான நெட்பிளிக்ஸில் (Netflix) வெளியாகி உலகளாவிய அளவில் மாபெரும் சாதனைகளைப் படைத்து வருகிறது.
வெளியான முதல் வார இறுதியில் நெட்பிளிக்ஸ் தளத்தில் இப்படம் உலக அளவில் (Non-English Movies பிரிவில்) 3-வது இடத்தைப் பிடித்துள்ளது. மேலும் இந்தியாவில் நம்பர் 1 இடத்தைக் கைப்பற்றித் தொடர்ந்து ட்ரெண்டிங்கில் முதலிடத்தில் உள்ளது. குறிப்பாக, 2026-ஆம் ஆண்டில் நெட்பிளிக்ஸில் வெளியான ஒரு தென்னிந்தியப் படத்திற்குக் கிடைத்த மிகப்பெரிய ஓப்பனிங் இதுவாகும். முதல் வார இறுதியில் 5.5 மில்லியனுக்கும் அதிகமான பார்வைகளைப் (5.5M+ Views) பெற்று இப்படம் சாதனை படைத்துள்ளது.
இதுமட்டுமின்றி, கடந்த 2024-ஆம் ஆண்டுக்குப் பிறகு நெட்பிளிக்ஸில் அதிக முதல் வார இறுதிப் பார்வைகளைப் பெற்ற தமிழ் படம் என்ற பெருமையையும் ‘விஸ்வநாத் அண்ட் சன்ஸ்’ பெற்றுள்ளது. உலக அளவில் 4 நாடுகளில் முதலிடத்தையும், மொத்தம் 10 நாடுகளில் டாப் 10 பட்டியலிலும் இடம்பிடித்துள்ளது. ஜி.வி. பிரகாஷ் குமார் இசையில் உருவாகியுள்ள இப்படத்தின் ஓடிடி வெற்றியைக் கொண்டாடி வரும் சூர்யா ரசிகர்கள், சமூக வலைதளங்களில் இதனைத் டிரெண்ட்டாக்கி வருகின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
