தமிழ் திரையுலகில் 90-களில் ரசிகர்களின் மனம் கவர்ந்த வெற்றி ஜோடிகளான பிரபுதேவா மற்றும் சிம்ரன் நீண்ட இடைவெளிக்குப் பிறகு மீண்டும் புதிய திரைப்படத்தில் இணைந்து நடிக்கின்றனர். சௌந்தர்யா ரஜினிகாந்தின் தயாரிப்பில் உருவாகும் இந்த உணர்வுப்பூர்வமான காதல் திரைப்படத்திற்கு ‘கமல் ஸ்ரீதேவி’ (Kamal Sridevi) எனப் பெயரிடப்பட்டுள்ளது.
அறிமுக இயக்குநர் கிருஷ்ணானந்த் கொட்டாரப்பட்டு எழுதி இயக்கும் இத்திரைப்படத்திற்குப் புகழ்பெற்ற இசையமைப்பாளர் ஜி.வி. பிரகாஷ் குமார் (GV Prakash Kumar) இசையமைக்கிறார். மேலும், ‘டூரிஸ்ட் ஃபேமிலி’ மற்றும் ‘மண்டாடி’ படங்களில் நடித்து கவனமீர்த்த மிதுன் ஜெய் சங்கர் மற்றும் ஸ்மேகா ஆகியோர் இப்படத்தில் முக்கியக் கதாபாத்திரங்களில் நடிக்கின்றனர். மூணாறு மற்றும் சென்னை பகுதிகளில் படப்பிடிப்பு நிறைவடைந்து தற்போது இறுதிக்கட்டப் பணிகள் விறுவிறுப்பாக நடைபெற்று வருகின்றன.
View this post on Instagram
ஏற்கனவே ‘வி.ஐ.பி’ மற்றும் ‘டைம்’ போன்ற படங்களில் இணைந்து நடித்து மாபெரும் வெற்றி கண்ட பிரபுதேவா – சிம்ரன் கூட்டணி, தற்போது 25 ஆண்டுகளுக்குப் பிறகு மீண்டும் இணைந்துள்ளது படத்தின் மீதான எதிர்பார்ப்பை ரசிகர்கள் மத்தியிலும் திரையுலக வர்த்தக வட்டாரத்திலும் பலமடங்கு அதிகரித்துள்ளது.
