தமிழ் திரையுலகில் ரசிகர்களால் எப்போதும் கொண்டாடப்படும் ஐகானிக் ஜோடிகளில் பிரபு மற்றும் சுகன்யாவுக்கு முக்கிய இடமுண்டு. இந்நிலையில், சுமார் 31 ஆண்டுகளுக்குப் பிறகு, இவர்கள் இருவரும் மீண்டும் இணைந்து நடிக்கும் புதிய திரைப்படம் குறித்த அதிகாரப்பூர்வ அறிவிப்பு வெளியாகியுள்ளது. இப்படத்திற்கு ‘மேரிகோல்ட்’ (MaryGold) என்று பெயரிடப்பட்டுள்ளது.
அறிமுக இயக்குநர் பிரியன் ராஜேந்திரன் (Priyan Rajendran) இயக்கத்தில் உருவாகும் இப்படத்திற்கு சித்து குமார் (Siddhu Kumar) இசையமைக்கிறார். இப்படத்தில் இளைய திலகம் பிரபு மற்றும் சுகன்யாவுடன் இணைந்து ரக்ஷன், நம்ரிதா மற்றும் விவேக் பிரசன்னா உள்ளிட்ட பலரும் முக்கிய கதாபாத்திரங்களில் நடிக்கின்றனர். நீண்ட ஆண்டுகளுக்குப் பிறகு இந்தச் பிரபல ஜோடி மீண்டும் திரையில் ஒன்று சேர்வது சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது. குடும்பங்கள் கொண்டாடும் வகையில் உருவாகியுள்ள இப்படத்தின் திரையரங்க வெளியீடு குறித்த அறிவிப்பு விரைவில் வெளியாகும் என எதிர்பார்க்கப்படுகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
