தமிழ் சினிமாவின் முன்னணி நகைச்சுவை நாயகனான சந்தானம் நடிப்பில் புதிய திரைப்படம் ஒன்று அதிகாரப்பூர்வமாக அறிவிக்கப்பட்டுள்ளது. இப்படத்திற்கு ‘LoveBite’ எனப் பெயரிடப்பட்டுள்ள நிலையில், படத்தின் ஃபர்ஸ்ட் லுக் போஸ்டரை படக்குழு தற்போது வெளியிட்டுள்ளது. இந்த போஸ்டர் தற்போது சமூக வலைதளங்களில் சினிமா ரசிகர்களின் கவனத்தை ஈர்த்து வைரலாகி வருகிறது.
இப்படத்தில் சந்தானத்திற்கு ஜோடியாக நடிகை அபர்ணா தாஸ் நடிக்கிறார். இவர்களுடன் தமிழ் சினிமாவின் முன்னணி காமெடி பட்டாளமான மொட்டை ராஜேந்திரன், ஆனந்தராஜ் மற்றும் வி.டி.வி கணேஷ் உள்ளிட்ட பலரும் முக்கிய கதாபாத்திரங்களில் நடிக்கின்றனர். ‘கஞ்சாடும் கண்ணப்பன்’ போன்ற படங்களை இயக்கிய செல்வின் ராஜ் சேவியர் இப்படத்தை இயக்குகிறார். மேலும், இப்படத்திற்கு FoxN இசையமைக்கிறார்.
View this post on Instagram
சந்தானத்தின் தனித்துவமான நகைச்சுவை பாணியும், முன்னணி காமெடி நடிகர்களின் கூட்டணியும் இப்படத்தின் மீது மிகுந்த எதிர்பார்ப்பை ஏற்படுத்தியுள்ளது. இதற்கிடையே, இப்படத்தின் அனைத்து படப்பிடிப்பு மற்றும் தயாரிப்புப் பணிகளைத் திட்டமிட்டபடி முடித்துவிட்டு, ‘LoveBite’ திரைப்படத்தை வரும் டிசம்பர் 2026-ஆம் ஆண்டு திரையரங்குகளில் வெளியிடப் போவதாக படக்குழு அதிகாரப்பூர்வமாக அறிவித்துள்ளது.
