தமிழ் சினிமாவில் முன்னணி இளம் இயக்குநர்களில் ஒருவராக வலம்வரும் அஷ்வத் மாரிமுத்து (Ashwath Marimuthu), சமீபத்திய பேட்டி ஒன்றில் தமிழ்நாட்டின் தற்போதைய அரசியல் தலைவரும், பிரபல நடிகருமான தளபதி விஜய் (Thalapathy Vijay) குறித்த தனது சினிமா ஆசையைப் பகிர்ந்து கொண்டுள்ளார்.
விஜய்யின் வாழ்க்கை வரலாற்றுப் படத்தை (Biopic) இயக்க உங்களுக்கு வாய்ப்பு கிடைத்தால் என்ன செய்வீர்கள் என்ற கேள்விக்குப் பதிலளித்த அவர், மிகச் சுவாரஸ்யமான ஒரு திரைக்கதை வடிவத்தைக் குறிப்பிட்டுள்ளார். “எனக்கு விஜய்யின் பயோபிக் இயக்க வாய்ப்பு கிடைத்தால், அப்படத்திற்கு ‘நெஞ்சில் குடியிருக்கும்’ என்று தலைப்பு வைப்பேன்” என்று அவர் உற்சாகமாகத் தெரிவித்தார். மேலும் படத்தின் அமைப்பைக் குறித்துக் கூறுகையில், படத்தின் முதல் பாதி முழுவதும் அவரது பிரம்மாண்டமான சினிமாப் பயணத்தையும், ரசிகர்களின் கொண்டாட்டங்களையும் மையமாகக் கொண்டு நகரும் என்றார்.
தொடர்ந்து படத்தின் இடைவேளைக் காட்சி குறித்துப் பேசுகையில், விஜய் அரசியலுக்கு வரும் திடீர் முடிவை எடுக்கும் தருணம் மிகச் சிறந்த இடைவேளைப் புள்ளியாக (Sudden Interval) அமையும் எனக் கூறினார். அதனைத் தொடர்ந்து படத்தின் இரண்டாம் பாதி முழுவதும் அவரது அரசியல் பயணத்தையும், சமூக மாற்றத்திற்கான நகர்வுகளையும் பேசும் ஒரு முழுமையான அரசியல் நாடகமாக (Political Drama) இருக்கும் என்றும் அஷ்வத் மாரிமுத்து தெரிவித்துள்ளார். இவரது இந்த யோசனை தற்போது சமூக வலைதளங்களில் விஜய் ரசிகர்களின் கவனத்தை ஈர்த்து வருகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
