தமிழ் திரையுலகில் ரசிகர்களால் பெரிதும் எதிர்பார்க்கப்பட்ட ஒரு புதிய மகா கூட்டணி அதிகாரப்பூர்வமாக அறிவிக்கப்பட்டுள்ளது. ‘தனி ஒருவன்’, ‘வேட்டைக்காரன்’ உள்ளிட்ட பல வெற்றிப் படங்களை வழங்கிய இயக்குனர் மோகன் ராஜா, தனது திரைப்பயணத்தின் 25வது ஆண்டில் அடியெடுத்து வைக்கிறார். இது அவரது இயக்கத்தில் உருவாகும் 11வது திரைப்படமாகும். இப்படத்தில் முன்னணி கதாநாயகன் கார்த்தி நாயகனாக நடிக்க ஒப்பந்தமாகியுள்ளார்.
By the blessings of my parents, my family, and all your love, I’ve always been showered with good work.
Now, my 11th directorial in the 25th year of my career becomes even more special —
as I join hands with my dear brother, @Karthi_OfflProduced by @Prince_Pictures
And to… pic.twitter.com/yGs1hyQxbh
— Mohan Raja (@jayam_mohanraja) August 3, 2026
பிரின்ஸ் பிக்சர்ஸ் (Prince Pictures) நிறுவனம் தயாரிக்கவுள்ள இப்படம், முற்றிலும் மாறுபட்ட மற்றும் விரிவான ஆராய்ச்சியின் அடிப்படையில் உருவாக்கப்பட்ட ஒரிஜினல் கதையாக உருவாகிறது. இயக்குனர் மோகன் ராஜாவின் முந்தைய மெகா ஹிட் படமான ‘தனி ஒருவன்’ வரிசையில், இதுவும் ரசிகர்களைக் கவரும் வகையில் ஒரு பக்கா கமர்ஷியல் எண்டர்டெய்னராக இருக்கும் என படக்குழு தெரிவித்துள்ளது.
பெற்றோரின் ஆசியோடும், குடும்பத்தினரின் அன்போடும் தனது திரையுலக பயணத்தின் மிகச்சிறந்த படைப்பாக இதை வழங்குவதாக இயக்குனர் மோகன் ராஜா தனது சமூக வலைதளப் பக்கத்தில் நெகிழ்ச்சியுடன் பகிர்ந்துள்ளார். கோலிவுட் வட்டாரத்தில் பெரும் எதிர்பார்ப்பை ஏற்படுத்தியுள்ள இப்படத்தின் கூடுதல் விவரங்கள் விரைவில் வெளியாகும் என எதிர்பார்க்கப்படுகிறது.
