மெகா பவர் ஸ்டார் ராம் சரண் மற்றும் ‘உப்பென்னா’ புகழ் இயக்குநர் புச்சி பாபு சனா கூட்டணியில் உருவாகி வரும் ‘பெத்தி’ (Peddi) திரைப்படம் 2026-ன் மிகவும் எதிர்பார்க்கப்படும் படங்களில் ஒன்றாக உள்ளது. இப்படத்தின் முக்கிய அம்சமான ஸ்பெஷல் டான்ஸ் நம்பரில் யார் நடிக்கப் போகிறார்கள் என்கிற கேள்விக்குத் தற்போது விடை கிடைத்துள்ளது. சம்யுக்தா மேனன், மானசா வாரணாசி எனப் பலரது பெயர்கள் அடிபட்ட நிலையில், இறுதியில் நடிகை ஸ்ருதி ஹாசன் அதிகாரப்பூர்வமாகத் தேர்வு செய்யப்பட்டுள்ளார்.
ஏ.ஆர்.ரஹ்மான் இசையில் உருவாகியுள்ள இந்தப் பாடலுக்கு ராம் சரண் மற்றும் ஸ்ருதி ஹாசன் இணைந்து நடனமாட உள்ளனர். யெவடு (Yevadu) படத்திற்குப் பிறகு நீண்ட இடைவெளி கழித்து இந்தக் கூட்டணி மீண்டும் இணைவது ரசிகர்களிடையே உற்சாகத்தை ஏற்படுத்தியுள்ளது. ஜானி மாஸ்டர் நடன அமைப்பில் உருவாகும் இந்தப் பாடலின் படப்பிடிப்பு நாளை (ஏப்ரல் 27) முதல் ஹைதராபாத்தில் உள்ள பிரம்மாண்ட செட்டில் தொடங்குகிறது. சுமார் 4 நாட்கள் நடைபெறவுள்ள இந்த ஒரு பாடலோடு படத்தின் மொத்த படப்பிடிப்பும் நிறைவடைகிறது.
கிராமப்புற பின்னணியில் ஒரு ஸ்போர்ட்ஸ் டிராமாவாக உருவாகும் இப்படத்தில் ஜான்வி கபூர் கதாநாயகியாக நடிக்கிறார். ஏப்ரல் 30-ம் தேதி ரிலீஸாக வேண்டிய இப்படம், தற்போது ஜூன் 2026-ல் வெளியாகும் எனத் தள்ளி வைக்கப்பட்டுள்ளது. ஸ்ருதி ஹாசனின் மாஸ் பெர்ஃபார்மென்ஸ் மற்றும் ராம் சரணின் அதிரடி ஸ்டெப்ஸ் இந்தப் பாடலை ஒரு சார்ட்பஸ்டர் ஹிட்டாக மாற்றும் என எதிர்பார்க்கப்படுகிறது. இந்தப் பாடலின் படப்பிடிப்பு முடிந்தவுடன் படத்தின் டீசர் மற்றும் அடுத்தடுத்த அப்டேட்கள் வெளியாகும் எனத் தெரிகிறது.
