தமிழ் திரையுலகின் நட்சத்திர நடிகர் அஜித் குமார் (Ajith Kumar) மற்றும் இயக்குநர் ஆதிக் ரவூச்சந்திரன் (Adhik Ravichandran) கூட்டணியில் உருவாகவிருக்கும் புதிய திரைப்படமான ‘டேர்டெவில்’ (Daredevil) குறித்த முக்கிய தகவல்கள் தற்போது சினிமா வட்டாரத்தில் தீயாய் பரவி வருகின்றன. ‘குட் பேட் அக்லி’ படத்தின் மாபெரும் வெற்றியைத் தொடர்ந்து மீண்டும் இணைந்துள்ள இந்தக் கூட்டணி மீது ரசிகர்களின் எதிர்பார்ப்பு எக்கச்சக்கமாகியுள்ளது.
இப்படத்தின் படப்பிடிப்பு வரும் செப்டம்பர் மாத இறுதியில் தொடங்கும் என எதிர்பார்க்கப்படுகிறது. இதற்கிடையில், படத்தில் இடம்பெறும் முக்கிய கதாபாத்திரம் மற்றும் நடிகர் தேர்வு குறித்த சில சுவாரஸ்யமான சினிமா வதந்திகள் வெளியாகியுள்ளன. அஜித்தின் நண்பர் கதாபாத்திரத்தில் நடிக்க மலையாளப் சூப்பர் ஸ்டார் மோகன்லால் பரிசீலிக்கப்பட்டதாகவும், எனினும் சம்பளம் மற்றும் பட்ஜெட் தொடர்பான காரணங்களால் அவர் இப்படத்திலிருந்து விலகியிருப்பதாகக் கூறப்படுகிறது. மேலும், மற்றொரு முக்கிய கதாபாத்திரத்திற்குச் சத்யராஜ் பெயர் பரிசீலிக்கப்பட்ட நிலையில், சில தனிப்பட்ட காரணங்களால் அந்த முடிவு மாற்றப்பட்டதாகத் தகவல்கள் தெரிவிக்கின்றன.
இவர்களுடன் சேர்த்து, ரோமியோ பிக்சர்ஸ் ராகுல் (Romeo Pictures Rahul) இப்படத்தில் ஒரு சிறப்புக் கதாபாத்திரத்தில் நடிக்கவுள்ளதாகவும் தகவல்கள் வெளியாகியுள்ளன. ஷாலினி அஜித் குமாரின் பிரேவ் ஹார்ட்ஸ் ப்ரொடக்ஷன்ஸ் (Brave Hearts Production) தயாரிப்பில், அனிருத் இசையில் முழுக்க முழுக்க கமர்சியல் விருந்தாக உருவாகும் இப்படத்தின் அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.
