தமிழ் திரையுலகில் தனது அதிரடி மற்றும் கிராமத்து கதைக்களங்களால் அறியப்படும் இயக்குநர் முத்தையா இயக்கத்தில், நடிகர் அருண் விஜய் கதாநாயகனாக நடித்து வரும் புதிய திரைப்படம் குறித்த முக்கிய அறிவிப்பு வெளியாகியுள்ளது.
இவர்களின் கூட்டணியில் உருவாகும் இப்படத்திற்கு தற்காலிகமாக ‘AV38’ என்று பெயரிடப்பட்டுள்ளது. நேதாஜி புரொடக்ஷன்ஸ் (Nethaji Productions) தயாரிப்பு நிறுவனத்தின் தயாரிப்பு எண் 2-ஆக உருவாகும் இப்படம் குறித்த அதிகாரப்பூர்வ அறிவிப்பை நடிகர் அருண் விஜய் தனது ட்விட்டர் (X) பக்கத்தில் வெளியிட்டுள்ளார்.
My next with Director #Muthaiya#AV38 The TITLE & FIRST LOOK will be unveiled on August 12th!!
இதன்படி, இப்படத்தின் தலைப்பு (Title) மற்றும் முதல் தோற்றப் போஸ்டர் (First Look) வரும் ஆகஸ்ட் 12-ஆம் தேதி வெளியாகவுள்ளது. கிராமத்து பின்னணியில் பவர்ஃபுல் ஆக்ஷன் திரைப்படமாக உருவாகி வரும் இப்படத்திற்கு ரசிகர்களிடையே பெரும் எதிர்பார்ப்பு எழுந்துள்ளது. படத்தின் ஃபர்ஸ்ட் லுக் வெளியீட்டுத் தேதியுடன் சேர்த்து ஒரு சக்திவாய்ந்த புதிய அத்தியாயம் தொடங்குகிறது என்று குறிப்பிட்டுள்ள நடிகர் அருண் விஜய்யின் இந்த அறிவிப்பு சமூக வலைதளங்களில் வைரலாக பரவி வருவதுடன், சினிமா வட்டாரத்திலும் மிகுந்த வரவேற்பைப் பெற்றுள்ளது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
