சமூக வலைதளங்களில் எந்த ஒரு விஷயம் ட்ரெண்ட் ஆனாலும், அதில் தனது பங்கிற்கு ஒரு ‘ரைமிங்’ கமெண்ட் போட்டு லைம்லைட்டிற்கு வருவது கூல் சுரேஷின் வழக்கம். அந்த வகையில், தற்போது கோலிவுட்டையே உலுக்கிக் கொண்டிருக்கும் விஜய் – த்ரிஷா திருமண வரவேற்பு நிகழ்ச்சி விவகாரத்தில், கூல் சுரேஷ் ஆற்றியுள்ள “அறிவுரை” உரைதான் இப்போது செம வைரல். ஆனால், அவர் சமாதானம் செய்கிறாரா அல்லது எரியும் நெருப்பில் எண்ணெய் ஊற்றுகிறாரா என்பதுதான் மில்லியன் டாலர் கேள்வியாக உள்ளது.
“ஓம் சக்தி பராசக்தி..” – ரைமிங்கில் ஒரு வம்பு!
சமீபத்தில் செய்தியாளர்களைச் சந்தித்த கூல் சுரேஷ், தனது வழக்கமான மேல்மருவத்தூர் பாணி ஆன்மீக கோஷமான “ஓம் சக்தி பராசக்தி” என்பதைத் துணைக்கு அழைத்துக்கொண்டார். ஆனால் அவர் அடுத்து சொன்னதுதான் அதிரடி. “ஓம் சக்தி பராசக்தி.. சஞ்சய்க்கு த்ரிஷா சித்தின்னு சிலர் சொல்லிட்டு சுத்துறாங்க.. அதெல்லாம் சொல்லக்கூடாது, தப்பு” என்று அவர் பேசியுள்ளார்.
மேலோட்டமாகப் பார்க்கும்போது இது ஒரு கண்டனம் போலத் தெரிந்தாலும், சஞ்சய் (விஜய்யின் மகன்) மற்றும் த்ரிஷாவை இணைத்து உலவி வரும் அந்த “சித்தி” என்ற மோசமான வார்த்தையை மீண்டும் மீண்டும் உச்சரிப்பதன் மூலம், அந்தச் சர்ச்சையை அவர் மறைமுகமாகத் தூண்டிவிடுவதாகவே நெட்டிசன்கள் கருதுகின்றனர். “தப்புன்னு சொல்றீங்க.. ஆனா நீங்களே அதைத் திரும்பத் திரும்பச் சொல்லி மக்களோட மைண்ட்ல ஏத்துறீங்களே” எனப் பலரும் சமூக வலைதளங்களில் கேள்வி எழுப்பி வருகின்றனர்.
இந்தச் சந்திப்பின் போது கூல் சுரேஷ் ஒருகட்டத்தில் உணர்ச்சிவசப்பட்டுக் கண்ணீர் விடவும் செய்தார். “விஜய் சார்.. நீங்க பண்ணது தப்பு சார்” என்று கூறிக்கொண்டே அழுத அவர், விஜய்யின் விவாகரத்து மற்றும் த்ரிஷா உடனான அவரது பொதுவெளித் தோற்றம் ஆகியவை அவரது ரசிகர்களைப் பாதிப்பதாகக் கூறினார். ஆனால், அவரது இந்தக் கண்ணீரை பலரும் ஒரு ‘ஸ்கிரிப்ட்’ செய்யப்பட்ட நாடகமாகவே பார்க்கிறார்கள். சீரியஸான ஒரு குடும்பப் பிரச்சனையை எடுத்துக்கொண்டு, அதில் சஞ்சய் போன்ற இளைஞர்களின் பெயரைக் கெடுக்கும் விதமாக இத்தகைய வார்த்தைகளை பயன்படுத்துவது முறையல்ல என்பதே நடுநிலையாளர்களின் கருத்து.
சமூக வலைதளங்களில் கொந்தளிப்பு
விஜய் மற்றும் சங்கீதா இடையே விவாகரத்து வழக்கு நடந்து வரும் நிலையில், த்ரிஷாவை இந்த விவகாரத்திற்குள் இழுத்து வருவது ஏற்கனவே பெரும் சர்ச்சையாக உள்ளது. இந்நிலையில், கூல் சுரேஷ் போன்ற நபர்கள் “அறிவுரை” என்ற பெயரில் இத்தகைய யூகங்களை பொதுவெளியில் பேசுவது, எரியும் தீயில் பெட்ரோல் ஊற்றுவது போலிருக்கிறது. குறிப்பாக, “சித்தி” என்ற வார்த்தையை அவர் பயன்படுத்திய விதம், அந்தப் பிரச்சனையைத் தீர்ப்பதற்கல்ல, மாறாக அதை மேலும் வைரலாக்கவே உதவும் எனத் தெரிகிறது.
கூல் சுரேஷின் இந்த ‘டபுள் கேம்’ பேச்சு இப்போது சினிமா வட்டாரத்தில் பெரும் விவாதப் பொருளாகியுள்ளது. ஒரு தீவிர ரசிகராக அவர் பேசுகிறாரா அல்லது ‘யூடியூப் வியூஸ்க்காக’ இத்தகைய சர்ச்சையான வார்த்தைகளைப் பயன்படுத்துகிறாரா என்பதைத் திரையுலகினர் கவனித்து வருகின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
