தமிழ் சினிமா உலகில் முன்னணி இயக்குனராக வலம் வருபவர் லோகேஷ் கனகராஜ். இவர் தற்போது அருண் மாதேஸ்வரன் இயக்கத்தில் உருவாகியுள்ள ‘DC’ திரைப்படத்தின் மூலம் முழுமையான நடிகராக களம் இறங்கியுள்ளார். இப்படத்தில் இவருக்கு ஜோடியாக பிரபல நடிகை வாமிகா கபி நடித்துள்ளார். இந்நிலையில், இப்படத்தின் இசை வெளியீட்டு விழா வெகுவிமரிசையாக நடைபெற்ற நிலையில், அதில் கலந்துகொண்ட வாமிகா கபி லோகேஷ் கனகராஜ் குறித்து மேடையில் பேசிய சுவாரஸ்யமான பேச்சு தற்போது வைரலாகி வருகிறது.
விழாவில் மேடையேறி பேசிய வாமிகா கபி, லோகேஷ் கனகராஜைப் புகழ்ந்து கூறியதாவது: “லோகேஷ் சார்… நீங்கள் மிகவும் எளிமையானவராகவும், அர்ப்பணிப்பு மிக்கவராகவும் இருக்கிறீர்கள். நான் இயக்குனர் லோகேஷின் மிகப்பெரிய ரசிகை, ஆனால் அவருடன் இணைந்து பணியாற்றிய பிறகு நான் நடிகர் லோகேஷின் மிகப்பெரிய ரசிகையாக மாறிவிட்டேன். அடுத்ததாக அவர் இசையமைப்பாளராகவும் மாறலாம் என்று நினைக்கிறேன். ராக்பெஸ்டர், மிகவும் விரும்பத்தக்க மனிதர். உங்கள் பாடல்களுக்கு லட்சக்கணக்கான மக்கள் நடனமாடியுள்ளனர், இது எனக்கு ஒரு கனவு நனவாகும் தருணம்” என்று நெகிழ்ச்சியுடன் குறிப்பிட்டார். நிகழ்ச்சியில் அவர் பேசிய இந்த வார்த்தைகள் அரங்கத்திலிருந்த ரசிகர்களை வெகுவாக ஈர்த்தது.
