தமிழ் சினிமா வட்டாரத்தில் மிகப்பெரிய எதிர்பார்ப்பை ஏற்படுத்தியுள்ள படம் ‘DC’. இப்படத்தில் இயக்குநர் லோகேஷ் கனகராஜ் நாயகனாக நடிக்க, அவருக்கு ஜோடியாக பிரபல நடிகை வாமிகா கபி முக்கிய கதாபாத்திரத்தில் நடித்துள்ளார். முற்றிலும் வித்தியாசமான ஆக்ஷன் மற்றும் எமோஷனல் கதைக்களத்தில் உருவாகியுள்ள இப்படத்தின் புதிய ரிலீஸ் ட்ரெய்லர் தற்போது வெளியாகி ரசிகர்களை ஈர்த்துள்ளது.
ட்ரெய்லரில் வாமிகா கபியின் நடிப்பு மிகவும் தீவிரமாகவும், உணர்ச்சிகரமாகமான முறையிலும் அமைந்துள்ளது. காதல், கோபம் மற்றும் ஆபத்தான சூழல்களை எதிர்கொள்ளும் ஒரு போராளியாக அவர் தோன்றும் காட்சிகள் ரசிகர்களிடையே பெரும் வரவேற்பைப் பெற்றுள்ளன. அவருக்கு இணையான அதிரடி காட்சிகளில் லோகேஷ் கனகராஜும் மிரட்டியுள்ளார். அருண் மாதேஸ்வரன் இயக்கத்தில் உருவாகியுள்ள இப்படம், ஆக்ஷன் பிரியர்களைக் கவரும் வகையில் பல அதிரடி திருப்பங்களுடன் உருவாக்கப்பட்டுள்ளது.
View this post on Instagram
தமிழ், தெலுங்கு மற்றும் இந்தி ஆகிய மொழிகளில் மட்டும் பான்-இந்திய அளவில் வெளியாகவுள்ள இப்படத்தின் மீது சினிமா ரசிகர்கள் மத்தியில் உச்சகட்ட எதிர்பார்ப்பு நிலவுகிறது. அனிருத் இசையில் உருவாகியுள்ள இதன் பாடல்களும் பின்னணி இசையும் படத்தின் காட்சிகளுக்கு கூடுதல் பலம் சேர்த்துள்ளன. சன் பிக்சர்ஸ் தயாரிப்பில் உருவாகியுள்ள இந்த பிரம்மாண்டமான திரைப்படம் வரும் ஆகஸ்ட் 7-ம் தேதி உலகமெங்கும் உள்ள திரையரங்குகளில் ரிலீசாகவுள்ளது.
