கோலிவுட்டில் அண்மையில் புதிய படங்களின் அறிவிப்புகள் ஹாட் டாபிக்காகப் பேசப்பட்டு வரும் வேளையில், தற்பொழுது சோசியல் மீடியா பிரியர்களைக் கவரும் விதமாக ஒரு செம கலர்புல்லான புதிய திரைப்படத்தின் டீசர் அப்டேட் வெளியாகியுள்ளது. ‘ஓஹோ எந்தன் பேபி’ படத்தின் மூலம் தமிழ் சினிமாவில் நடிகராக அறிமுகமான விஷ்ணு விஷாலின் தம்பி ருத்ராவின் இரண்டாவது படமான ‘எல்லோ எல்லோ டர்ட்டி ஃபெல்லோ’ (Yellow Yellow Dirty Fellow) திரைப்படத்தின் டைட்டில் டீசர் அதிகாரப்பூர்வமாக ரிலீஸாகியுள்ளது.
இயக்குநர் விக்கி பாஸ்கர் (Director Vikkie Bhaskar) எழுத்து மற்றும் இயக்கத்தில் உருவாகும் இத்திரைப்படத்தை, பிரபல நடிகர் விஷ்ணு விஷால் (Vishnu Vishal) தனது விஷ்ணு விஷால் ஸ்டுடியோஸ் நிறுவனம் மூலம் சஞ்சய் அர்ஜுன்தாஸ் வத்வாவுடன் இணைந்து பிரம்மாண்டமாகத் தயாரிக்கிறார்.“இந்த ஜோடி உங்க இன்ஸ்டா ஃபீட், லைக்ஸ் மற்றும் இதயங்களை கொள்ளையடிக்க ரெடியாகிவிட்டது” என்கிற செம கலகலப்பான கேப்ஷனுடன் விஷ்ணு விஷால் இப்படத்தின் டைட்டில் டீசரை சமூக வலைத்தளங்களில் வெளியிட்டுள்ளார்.
இப்போதைய ட்ரெண்டில் இருக்கும் இன்ஸ்டாகிராம் ரீல்ஸ் மற்றும் இன்ஃபுளூயன்சர்களின் (Instagram Influencers) நிஜ வாழ்க்கை மற்றும் சோசியல் மீடியா பக்கங்களுக்கு இடையே நடக்கும் எமோஷனல் கலாட்டாக்களை மையமாக வைத்து இந்த படத்தின் கதைக்களம் உருவாக்கப்பட்டுள்ளது. டீசரின் ஒவ்வொரு பிரேமும் இன்றைய இளசுகளை கவரும் விதமாக செம மாடர்னாகவும் கலர்புல்லாகவும் செதுக்கப்பட்டுள்ளது. இப்படத்திற்குப் பரத் சங்கர் இசையமைக்க, நேஷ் எடிட்டிங் பணிகளை மேற்கொண்டுள்ளார்.
சமீபத்தில் ரத்ன குமாரின் ’29’ படத்தில் நடித்து கவனம் ஈர்த்த நடிகை பிரீத்தி அஸ்ரானி (Preethi Asrani) இப்படத்தில் ருத்ராவுக்கு ஜோடியாகக் கதாநாயகியாக களம் இறங்கியுள்ளார். இவர்களுடன் பல முக்கிய சோசியல் மீடியா ஸ்டார்களும் இப்படத்தில் இணைந்து நடித்துள்ளனர். ஃபர்ஸ்ட் லுக் போஸ்டரைத் தொடர்ந்து தற்பொழுது வெளியாகியுள்ள இந்த மிரட்டலான ‘எல்லோ எல்லோ டர்ட்டி ஃபெல்லோ’ (YYDF) படத்தின் டைட்டில் டீசர், யூடியூப்பில் தற்பொழுது சினிமா ரசிகர்களால் பயங்கர ட்ரெண்டாக்கப்பட்டு லைக்குகளைக் குவித்து வருகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
