நம்ம இந்தியத் திரைப்படங்கள் தற்பொழுது ஆஸ்கார் மேடை வரை சென்று உலகளவில் மாபெரும் சாதனைகளைத் தொடர்ந்து படைத்து வருகின்றன. நம்ம ஊர் கமர்ஷியல் மற்றும் எமோஷனல் கதைகளுக்கு இந்தியா தாண்டி வெளிநாடுகளிலும், ஏன் ஹாலிவுட் வட்டாரங்களிலும் கூட ஒரு தனி ரசிகர் பட்டாளமே உருவாகி வருகிறது. அந்த வகையில், நெட்ஃபிளிக்ஸ் ஆக்கிரமித்த உலகப் புகழ்பெற்ற வென்னஸ்டே (Wednesday) வெப் சீரிஸ் மூலம் ஒட்டுமொத்த சர்வதேச ரசிகர்களையும் கவர்ந்த இளம் ஹாலிவுட் நடிகை எம்மா மியர்ஸ் (Emma Myers) இந்தியத் திரைப்படங்கள் குறித்துப் பேசியுள்ள சில சுவாரஸ்யமான விஷயங்கள் தற்பொழுது இந்திய ரசிகர்களை செம குஷிப்படுத்தியுள்ளது.
சமீபத்தில்UK வானொலி ஒன்றிற்குப் பேட்டியளித்த எம்மா மியர்ஸ், தனக்கு இந்தியத் திரைப்படங்கள் என்றால் கொள்ளை பிரியம் என்றும், அவை பார்ப்பதற்கு மிகவும் ஃபன்னாக இருக்கும் என்றும் தெரிவித்துள்ளார். குறிப்பாக, இயக்குநர் ராஜ்குமார் ஹிரானி இயக்கத்தில் வெளியான ‘3 இடியட்ஸ்’ திரைப்படம் தனது வாழ்க்கையிலேயே தனக்கு மிகவும் பிடித்தமான திரைப்படங்களில் ஒன்று என உருகியுள்ளார். அந்த படம் எவ்வளவு நீளமாக இருந்தாலும் அதை பார்க்கும் போது ஒரு அசாத்தியமான எனர்ஜி கிடைக்கும் என்று கூறிய அவர், படத்தில் வரும் புகழ்பெற்ற ‘ஆல் ஈஸ் வெல்’ (All Is Well) என்கிற வார்த்தையை தற்பொழுது தங்களது நிஜ வாழ்க்கையிலும் தினசரி பயன்படுத்தி வருவதாகக் கூறி ஆச்சரியப்படுத்தியுள்ளார்.
அதுமட்டுமில்லாமல், நம்ம மாஸ்டர் டைரக்டர் எஸ்.எஸ். ராஜமௌலியின் பிரம்மாண்ட படைப்பான ‘பாகுபலி’ படத்தின் இரண்டு பாகங்களையும் தான் அடிக்கடி விரும்பிப் பார்ப்பதாக எம்மா மியர்ஸ் நெகிழ்ச்சியுடன் பகிர்ந்துள்ளார். தியேட்டரில் தனக்குக் கிடைத்த மிகச்சிறந்த சினிமா அனுபவங்களில் பாகுபலி படமும் ஒன்று என அவர் பாராட்டியுள்ளார். ஹாலிவுட் ஸ்டார் எம்மா மியர்ஸ் இந்தியப் படங்களின் மீது வைத்துள்ள இந்த உண்மையான பாசம் மற்றும் அவரது வைரல் பேட்டி தற்பொழுது சமூக வலைத்தளங்களில் சினிமா லவ்வர்ஸால் செம ஸ்பீடாகப் பகிரப்பட்டு ட்ரெண்டாகி வருகிறது. சர்வதேச அளவில் நம்ம இந்திய சினிமா எட்டியுள்ள இந்த அசாத்திய உயரத்தை நினைத்து நாமும் பெருமைப்படுவோம்!
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
