உச்சநீதிமன்றம் தீர்ப்பில் குழப்பம்… செந்தில் பாலாஜியை ஜாமீனில் விடுவிக்க சிக்கல்…!

உச்சநீதிமன்ற தீர்ப்பில் குழப்பம் ஏற்பட்டுள்ளதால் செந்தில் பாலாஜி சிறையில் இருந்து ஜாமினில் வெளிவருவதில் சிக்கல் ஏற்பட்டுள்ளது.

தமிழ்நாடு போக்குவரத்து துறையில் வேலை வாங்கி கொடுப்பதாக கோரி பணமோசடி செய்த வழக்கில் அமலாக்க துறையினர் செந்தில் பாலாஜியை கைது செய்தனர். கடந்த ஆண்டு ஜூன் மாதம் 14ஆம் தேதி செந்தில் பாலாஜி கைது செய்யப்பட்ட புழல் சிறையில் அடைக்கப்பட்டார். இந்த வழக்கில் ஜாமீன் வழங்க கோரி மேல்முறையீடு செய்த மனுவை சுப்ரீம் கோர்ட் நீதிபதிகள் அபய் எஸ் ஓ.கா, ஏ ஜி மாசி ஆகியோர் அடங்கிய அமர்வு விசாரித்து கடந்த ஆகஸ்ட் மாதம் 20ஆம் தேதி தேதி எதுவும் குறிப்பிடாமல் தள்ளி வைத்தார்கள்.

இதைத் தொடர்ந்து செந்தில் பாலாஜிக்கு இன்று ஜாமின் வழங்கப்பட்டது. இப்போது செந்தில் பாலாஜி விடுதலையாகி வெளியில் வருவார் என்று அவரது ஆதரவாளர்கள் சிறைவாசலில் குவிந்திருக்கிறார்கள். இந்நிலையில் தற்போது செந்தில் பாலாஜி நீதிமன்ற காவல் நீட்டிப்பு நிறுத்தி வைக்கப்பட்டிருக்கின்றது.

மேலும் நிபந்தனை ஜாமினில் செந்தில் பாலாஜி விடிவிக்கப்பட்ட உத்தரவு இன்னும் கிடைக்கவில்லை என்றும், உச்ச நீதிமன்ற உத்தரவு நகல் கிடைத்த பிறகு இதில் முடிவு எடுப்போம் என சென்னை முதன்மை அமர்வு நீதிபதி கார்த்திகேயன் தெரிவித்திருந்தார். மேலும் இந்த வழக்கின் விசாரணையை பிற்பகலுக்கு நீதிபதி கார்த்திகேயன் தள்ளி வைத்தார். இதைத் தொடர்ந்து இந்த வழக்கு மீதான விசாரணை சற்று நேரத்திற்கு முன்பு நீதிபதி கார்த்திகேயன் விசாரணை செய்தார்.

அப்போது உச்ச நீதிமன்ற தீர்ப்பில் சில குழப்பங்கள் இருக்கின்றது. பிணை உத்தரவாதங்களை நீதிமன்றத்தில் தாக்கல் செய்ய வேண்டாம். விசாரணை அதிகாரி முன்பு தாக்கல் செய்யுங்கள் பிணை உத்தரவாக தங்களை நீதிமன்றத்தில் தான் தாக்கல் செய்ய வேண்டும் என்று உச்சநீதிமன்ற தீர்ப்பின் குறிப்பிடவில்லை என நீதிபதி கூறியிருந்தார்.

மேலும் விசாரணை அதிகாரி முன்பு இந்த நேரத்தில் எப்படி பிணை உத்தரவாதங்களை தாக்கல் செய்ய முடியும் என்று செந்தில் பாலாஜி தரப்பில் தெரிவிக்கப்பட்டு இருந்தது. இதையடுத்து செந்தில் பாலாஜி சிறையிலிருந்து இன்று ஜாமினில் வெளியாவதில் சிக்கல் ஏற்பட்டு இருக்கின்றது.