தமிழ் திரையுலகின் ‘ஆசை’ நாயகனாகத் தொடங்கி இன்று ‘பாக்ஸ் ஆபீஸ்’ மன்னனாகத் திகழும் அஜித் குமார், இன்று (மே 1, 2026) தனது 55வது பிறந்தநாளைக் கொண்டாடுகிறார். திரையில் மட்டுமின்றி நிஜ வாழ்க்கையிலும் தனது எளிமை மற்றும் விடாமுயற்சியால் பல கோடி ரசிகர்களை ஈர்த்துள்ள இவருக்கு, காலை முதலே திரையுலக பிரபலங்கள் மற்றும் ரசிகர்கள் சமூக வலைதளங்களில் வாழ்த்துகளைக் குவித்து வருகின்றனர்.
பிறந்தநாள் சிறப்பு CDP மற்றும் சிபி சத்யராஜ் வாழ்த்து: ஒவ்வொரு ஆண்டும் அஜித்தின் பிறந்தநாளை முன்னிட்டு ரசிகர்கள் ஒரு சிறப்பு ‘காமன் டிபி’ (Common DP) வெளியிடுவது வழக்கம். இந்த ஆண்டுக்கான 55வது பிறந்தநாள் CDP-யை நடிகர் சிபி சத்யராஜ் தனது சமூக வலைதள பக்கத்தில் வெளியிட்டார். “அஜித் சார் அவர்களுக்கு இனிய பிறந்தநாள் வாழ்த்துக்கள். இந்த ஆண்டு அவருக்கு மகிழ்ச்சியும், ஆரோக்கியமும், வெற்றியும் கிடைக்கட்டும்” என அவர் பதிவிட்டுள்ளார்.
Happy to unveil the Official Common DP (CDP) for the 55th Birthday of #AjithKumar sir, presented by @Thalafansml 🔥
Advanced bday wishes dear sir.May this year be filled with good health,happiness,success and joy ❤️Design: @dak_evolution
Concept: @DevendranDave#HBDAjithKumar… pic.twitter.com/xpybB12akF— Sibi Sathyaraj (@Sibi_Sathyaraj) April 30, 2026
ஆதிக் ரவிச்சந்திரனின் நெகிழ்ச்சியான பதிவு: அஜித்தை வைத்து ‘குட் பேட் அக்லி’ (Good Bad Ugly) படத்தை இயக்கிய, இயக்குநர் ஆதிக் ரவிச்சந்திரன், அஜித்துடனான தனது பிணைப்பைப் பற்றி மிக உருக்கமாகப் பதிவிட்டுள்ளார். “எங்களை எப்போதும் ஊக்கப்படுத்தும் என் அன்பிற்குரிய சார் நீங்கள். இந்தியாவின் மிகப்பெரிய பெருமை எங்களின் பத்ம பூஷன் அஜித் சார்” என அவர் புகழ்ந்துள்ளார். மேலும், ‘குட் பேட் அக்லி’ படப்பிடிப்பு தளத்தில் அஜித்துடன் பணியாற்றியது ஒரு கனவு போல இருந்ததாகவும், அவருடன் இன்னும் பல மறக்க முடியாத நினைவுகளை உருவாக்கக் காத்திருப்பதாகவும், ஆதிக் தெரிவித்துள்ளார்.
Happy Birthday My dear sir❤️🙏🏻 Thank you for inspiring me & all of us and making India 🇮🇳 proud , you’re nation’s greatest pride❤️Our Padma Bhushan❤️Always lucky and blessed to receive your kindness and love, i am so grateful for the day I met you, for having worked with you &… pic.twitter.com/ndv6cNltOd
— Adhik Ravichandran (@Adhikravi) April 30, 2026
பந்தய வீரராகவும் ஜொலிக்கும் ‘தலை’: அஜித்தின் நடிப்புத் திறமையைத் தாண்டி, அவரது பந்தய ஆர்வம் (Racing Passion) பலரையும் வியக்க வைக்கும் ஒன்றாகும். இது குறித்து இந்தியா டுடே செய்தியாளர் அக்க்ஷிதா நந்தகோபால் கூறுகையில், “கடந்த 2 ஆண்டுகளாக அவரை நான் கவனித்து வருகிறேன். அவரது எளிமையும், ரேசிங் மீதான தீராத காதலும் என்னை மிகவும் கவர்கிறது” என வாழ்த்தியுள்ளார்.
I’ve known Ajith sir for 2 years now and his humility, passion for racing and so much more inspires me!!
Happy happy birthday to the superstar!!! 🌟 pic.twitter.com/rrYpgMk5XX
— Akshita Nandagopal (@Akshita_N) May 1, 2026
திரைத்துறை, பைக் டூரிங், துப்பாக்கிச் சுடுதல் மற்றும் கார் பந்தயம் எனப் பன்முகத் திறமை கொண்ட அஜித்தின் இந்தப் பிறந்தநாள், ரசிகர்களுக்கு ஒரு மிகப்பெரிய திருவிழாவாக அமைந்துள்ளது. திரையுலகமே வியந்து பார்க்கும் ஒரு ஆளுமையாகத் திகழும் அஜித்தின் பயணம் இன்னும் பல வெற்றிகளைத் தொடர வேண்டும் என்பதே அனைவரின் விருப்பமாக உள்ளது.
