தமிழ் திரையுலகில் நீண்ட எதிர்பார்ப்புகளுக்குப் பிறகு வெளியாகி ரசிகர்களிடையே மாபெரும் வரவேற்பைப் பெற்றுவரும் திரைப்படம் ‘மீசைய முறுக்கு 2’. இசையமைப்பாளராகவும் இயக்குநராகவும் நடிகராகவும் பல பரிமாணங்களில் ஜொலிக்கும் ஹிப்ஹாப் தமிழா ஆதி இயக்கி நடித்துள்ள இத்திரைப்படம், வெளியான முதல் நாளிலிருந்தே திரையரங்குகளில் திருவிழா போன்ற கூட்டத்துடன் வெற்றிகரமாக ஓடிக்கொண்டிருக்கிறது. கானா பாடல்களையும், கானா கலைஞர்களின் வாழ்வியலையும் மையமாக வைத்து உருவாக்கப்பட்டுள்ள இப்படம் அனைத்து தரப்பு ரசிகர்களின் உள்ளங்களையும் ஈர்த்துள்ளது.
குடும்பங்கள் மற்றும் இளைஞர்களின் பேராதரவுடன் திரையரங்குகளில் அரங்கு நிறைந்த காட்சிகளுடன் ஓடிக்கொண்டிருக்கும் இப்படம் பாக்ஸ் ஆபிஸில் மிகப்பெரிய சாதனையை நிகழ்த்தியுள்ளது. அதன்படி, வெளியான முதல் மூன்று நாட்களிலேயே இப்படம் உலகளவில் ரூ.40 கோடிக்கும் மேல் வசூலித்து சாதனை படைத்துள்ளதாகத் தகவல்கள் வெளியாகியுள்ளன. தமிழ் சினிமா வட்டாரத்தில் இந்த வசூல் வேட்டை மிகப் பெரிய ஓப்பனிங்காகப் பார்க்கப்படுவதுடன், ஹிப்ஹாப் ஆதியின் திரைப்பயணத்தில் மற்றொரு மைல்கல்லாகவும் மாறியுள்ளது. படத்தின் பாடல்களும், திரைக்கதையும் ரசிகர்களைத் தொடர்ந்து தியேட்டர்களை நோக்கி ஈர்த்து வருவதால் வரும் நாட்களில் வசூல் மேலும் அதிகரிக்க வாய்ப்புள்ளதாக வர்த்தக நிபுணர்கள் தெரிவிக்கின்றனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
