தமிழக அரசியலில் முதலமைச்சர் விஜய் (Chief Minister Vijay) ஒரு பக்கம் தனது அதிரடி நிர்வாகத்தைத் தொடங்கிவிட்டாலும், அவருக்கு ஆதரவாகத் திரையுலகினர் பதிவிடும் கருத்துக்கள் இணையதளங்களை ஆக்கிரமித்து வருகின்றன. ஏற்கனவே நடிகர் பிரேம்ஜி (Premgi) வெளியிட்ட தி கோட் (The GOAT) படத்தின் வீடியோ வைரலாகி வரும் நிலையில், இப்போது ‘லியோ’ படத்தில் விஜய்யுடன் நடித்த மன்சூர் அலிகான் (Mansoor Ali Khan) தனது ஸ்டைலில் ஒரு பதிவைப் பகிர்ந்துள்ளார்.
“சிம்மாசனத்தில் ஒரே ஒரு சிங்கம் தான்!”
மன்சூர் அலிகான் தனது இன்ஸ்டாகிராம் பக்கத்தில், “ஆம்… நம் முதல்வர் சில காலத்திற்கு முன்பு சொன்னது போல, காட்டில் பல நரிகள், ஓநாய்கள் மற்றும் தந்திரமான விலங்குகள் இருக்கலாம்… ஆனால் சிம்மாசனத்தில் ஒரே ஒரு சிங்கம் தான் அமரும்” என்று பதிவிட்டுள்ளார்.
View this post on Instagram
விஜய் தனது முந்தைய ஆடியோ வெளியீட்டு விழாக்களில் பயன்படுத்திய குட்டி கதைகள் மற்றும் உவமைகளை நினைவுபடுத்தும் வகையில் மன்சூர் இந்தப் பதிவை இட்டுள்ளார். இது குறிப்பாக விஜய்யின் அரசியல் எதிர்ப்பாளர்களுக்கு ஒரு மறைமுகப் பதிலடியாகப் பார்க்கப்படுகிறது.
உலகை அதிர வைக்கும் புன்னகை:
மேலும் தனது பதிவில், “ஊகங்கள் மற்றும் சத்தங்கள் நிறைந்த இந்தச் சூழலில், அவர்கள் உங்களை எப்போதும் கணித்துக் கொண்டே இருக்கட்டும்… உங்கள் புன்னகையால் உலகைத் தொடர்ந்து திகைக்க வையுங்கள்” என்றும் மன்சூர் அலிகான் குறிப்பிட்டுள்ளார்.
சமீபத்தில் கேன்ஸ் திரைப்பட விழாவில் லோகேஷ் கனகராஜின் ‘டிசி’ டிரெய்லர் வெளியாகவுள்ள நிலையில், லோகேஷ் சினிமாட்டிக் யுனிவர்ஸில் (LCU) விஜய்யுடன் பணியாற்றிய மன்சூர், இவ்வாறு பதிவிட்டது விஜய் ரசிகர்களை உற்சாகத்தில் ஆழ்த்தியுள்ளது. விஜய்யின் அமைதியான ஆனால் உறுதியான அரசியல் பயணத்திற்கு மன்சூர் அலிகான் போன்ற மூத்த நடிகர்களின் ஆதரவு கூடுதல் பலத்தைச் சேர்த்துள்ளது.
