Legend Saravanan Action : ரயிலில் நடந்த அந்த “வெறித்தனமான” சண்டை! 1000 பேருக்கு நடுவே காயத்துடன் மோதிய லெஜண்ட்! ஷூட்டிங் ஸ்பாட்டில் நடந்த பகீர் சம்பவம்!

நடிகர் லெஜண்ட் சரவணன் நடிப்பில் உருவாகியுள்ள ‘லீடர்’ (Leader) திரைப்படத்தின் எதிர்பார்ப்பு நாளுக்கு நாள் அதிகரித்து வருகிறது. சமீபத்தில் நடந்த படத்தின் விழாவில் பேசிய சரவணன், படத்தின் கிளைமாக்ஸ் படப்பிடிப்பின் போது நடந்த சில அதிரடியான மற்றும் ஆபத்தான சம்பவங்களை வெளிப்படையாகப் பகிர்ந்துள்ளார். குறிப்பாக ரயிலில் எடுக்கப்பட்ட அந்தப் பிரம்மாண்டமான சண்டைக் காட்சி தான் படத்தின் ஹைலைட்டாக இருக்கும் என்று அவர் கூறியுள்ளார்.

இந்தக் கிளைமாக்ஸ் காட்சிக்காக சுமார் 100 வெளிநாட்டு ஸ்டண்ட் மாஸ்டர்கள் மற்றும் 1000-க்கும் மேற்பட்ட ஜூனியர் ஆர்டிஸ்ட்கள் பயன்படுத்தப்பட்டுள்ளனர். படப்பிடிப்பின் போது பாதுகாப்பு கருதி படக்குழுவினர் ஒரு ஆம்புலன்ஸை மட்டும் தயார் நிலையில் வைத்திருந்தனர். ஆனால், காட்சிகளின் தீவிரத்தையும் ஆபத்தையும் உணர்ந்த லெஜண்ட் சரவணன், ரிஸ்க் எடுக்க விரும்பாமல் தனது சொந்த விருப்பத்தின் பேரில் கூடுதலாக 2 ஆம்புலன்ஸ்களை வரவழைத்து மொத்தம் 3 ஆம்புலன்ஸ்களை ஸ்பாட்டிலேயே நிறுத்தி வைத்துள்ளார்.

படப்பிடிப்பு நடந்துகொண்டிருந்த போது எதிர்பாராத விதமாக லெஜண்ட் சரவணனின் கால்களில் பலத்த காயம் ஏற்பட்டுள்ளது. வலியால் அவரால் நடக்கக்கூட முடியாத நிலை ஏற்பட்டுள்ளது. இருப்பினும், 1000-க்கும் மேற்பட்ட கலைஞர்களின் உழைப்பும், நேரமும் வீணாகிவிடக் கூடாது என்பதற்காக அவர் ஒரு துணிச்சலான முடிவை எடுத்துள்ளார். வலியைக் குறைக்க ஊசி மற்றும் மாத்திரைகளை எடுத்துக் கொண்ட அவர், கேமரா ‘ரோலிங்’ என்று சொன்ன அடுத்த நிமிடம் தனது வலியை மறந்து ‘ஃபையர் மோடில்’ சண்டைக் காட்சிகளில் நடித்துள்ளார்.

இயக்குநர் ஆர்.எஸ். துரை செந்தில்குமார் இயக்கத்தில் உருவாகியுள்ள இந்தப் படம், ஒரு சாமானிய மனிதன் எப்படி ஒரு போராளியாக மாறுகிறான் என்பதைச் சொல்லும் ஆக்சன் திரில்லர் கதையாகும். ஏற்கனவே படத்தின் டீசர் மற்றும் பாடல்கள் சமூக வலைதளங்களில் வைரலாகி வரும் நிலையில், சரவணன் பகிர்ந்துள்ள இந்த ஷூட்டிங் ஸ்பாட் ரகசியங்கள் படத்தின் மீதான ஆவலை இன்னும் தூண்டியுள்ளது.

தன் மீது வைக்கப்படும் விமர்சனங்களைக் கடந்து, சினிமாவின் மீதுள்ள தீராத காதலால் இவ்வளவு பெரிய ரிஸ்க்கை எடுத்து நடித்திருக்கும் லெஜண்ட் சரவணனின் இந்த அர்ப்பணிப்பு கோலிவுட் வட்டாரத்தில் பலரது பாராட்டுகளைப் பெற்று வருகிறது. வரும் ஏப்ரல் 3-ஆம் தேதி ரிலீஸாக உள்ள ‘லீடர்’ திரைப்படத்தில் இந்த ரயில் கிளைமாக்ஸ் காட்சி ரசிகர்களுக்கு ஒரு புதிய அனுபவத்தைத் தரும் என்று எதிர்பார்க்கப்படுகிறது.