தமிழ் சினிமாவின் திறமையான நடிகர்களில் ஒருவரான ஜீவா, வித்தியாசமான கதைக்களங்களைத் தேர்ந்தெடுத்து நடித்து வருகிறார். அந்த வகையில், கடந்த சில படங்களில் தனது சிறப்பான நடிப்பை வெளிப்படுத்திய அவர் தற்போது இயக்குநர் ரா.வெங்கட் இயக்கத்தில் புதிய படமொன்றில் நடித்து வருகிறார்.
விமர்சன ரீதியாகப் பாராட்டுக்களைப் பெற்ற ‘கிடா’ திரைப்படத்தை இயக்கிய ரா.வெங்கட் இப்படத்தை இயக்குகிறார். மேலும், ‘கருடன்’, ‘மாமன்’ போன்ற வெற்றிப்படங்களைத் தயாரித்த லார்க் ஸ்டூடியோஸ் நிறுவனம் இப்படத்தைத் தயாரித்துள்ளது. இப்படத்தில் ஜீவாவுடன் இணைந்து ரஜிஷா விஜயன் மற்றும் லெட்சுமி ராமகிருஷ்ணன் உள்ளிட்டோர் முக்கியக் கதாபாத்திரங்களில் நடிக்கின்றனர்.
View this post on Instagram
மதுரையை மையமாகக் கொண்ட எதார்த்தமான கிராமத்து மற்றும் குடும்பப் பாசக் கதையாக உருவாகி வரும் இப்படத்திற்கு ‘தகப்பன்’ எனப் பெயரிடப்பட்டுள்ளது. இந்நிலையில், இப்படத்தின் முதல் தோற்றப் போஸ்டர் (First Look) தற்போது வெளியிடப்பட்டுள்ளது. தந்தை மற்றும் மகனுக்கு இடையேயான உணர்வுபூர்வமான பிணைப்பைப் பிரதிபலிக்கும் வகையில் அமைந்துள்ள இந்த போஸ்டர் சினிமா வட்டாரத்தில் பெரும் வரவேற்பைப் பெற்றுள்ளது. இப்படத்தின் பெரும்பகுதி படப்பிடிப்புகள் நிறைவடைந்துள்ள நிலையில், வரும் டிசம்பர் 2026-ல் உலகளாவிய திரையரங்குகளில் இப்படம் வெளியாகவுள்ளதாகப் படக்குழு அதிகாரப்பூர்வமாக அறிவித்துள்ளது.
