ஐபிஎல் 2026 சீசன் ஆரம்பிச்ச ஒரு சில நாட்களிலேயே மைதானத்துக்குள்ள நடக்குற சண்டையை விட சோசியல் மீடியாவில நடக்குற ‘வார்’ தான் இப்போ செம ஹாட் டாபிக்கா போயிட்டு இருக்கு. லக்னோ ஏகானா மைதானத்துல நடந்த டெல்லி கேபிடல்ஸ் மற்றும் லக்னோ சூப்பர் ஜெயண்ட்ஸ் அணிகளுக்கு இடையேயான போட்டியில, டெல்லி அணி 6 விக்கெட் வித்தியாசத்துல அபார வெற்றி பெத்துருக்காங்க. ஆனா, இந்த வெற்றியை விட கே.எல். ராகுலோட ‘கோல்டன் டக் அவுட்’ மற்றும் அதை வச்சு நடந்த படிக்கட்டு சண்டை (Staircase War) தான் இப்போ எக்ஸ் (X) தளத்துல டிரெண்டிங்.
லக்னோ அணி நிர்ணயித்த 142 ரன்கள் இலக்கை நோக்கி டெல்லி அணி களம் இறங்குனப்போ, ஆரம்பத்துல ஒரு பெரிய அதிர்ச்சி காத்துட்டு இருந்துச்சு. லக்னோ அணிக்காக அறிமுகமான முகமது ஷமி, தன்னோட முன்னாள் கேப்டன் கே.எல். ராகுலை முதல் பந்துலேயே அவுட் பண்ணி வெளியே அனுப்பினாரு. ராகுல் ரன் ஏதும் எடுக்காம ‘கோல்டன் டக்’ ஆகி பெவிலியன் திரும்புனப்போ, சோசியல் மீடியாவில ஒரு பெரிய வெடியே வெடிச்சதுன்னு சொல்லலாம்.
We know 👍 https://t.co/mdrWi3cvUE pic.twitter.com/BCMEC9zHK3
— Delhi Capitals (@DelhiCapitals) April 1, 2026
லக்னோ அணியோட சோசியல் மீடியா டீம் போட்ட ஒரு போஸ்ட் தான். ராகுல் அவுட் ஆன உடனே, காலியா இருக்குற ஒரு படிக்கட்டு போட்டோவை போட்டு டெல்லி அணியை சீண்டுற மாதிரி ஒரு பதிவை போட்டாங்க. இதுக்கு முன்னாடி டெல்லி அணி ராகுலோட வருகையை கொண்டாடி ஒரு வீடியோ போட்டிருந்தாங்க, அதுக்கு பதிலடி கொடுக்குற மாதிரி தான் லக்னோ இந்த படிக்கட்டு போட்டோவை ஷேர் செஞ்சதா சொல்லப்படுது.
ஆனா, டெல்லி கேபிடல்ஸ் சும்மா விடுவாங்களா? மேட்ச் முடிஞ்சதும் அவங்க கொடுத்த பதிலடி தான் இப்போ வைரல். டெல்லி அணி ஜெயிச்சதுக்கு அப்புறம், ஒரு படிக்கட்டு கிராபிக்ஸ் போட்டு அதுல லக்னோ அணிக்கு எதிரா அவங்க தொடர்ந்து பெத்த 5 வெற்றிகளை வரிசையா அடுக்கி வச்சு, “இது தான் எங்க படிக்கட்டு”னு ஒரு போஸ்ட் போட்டு லக்னோ டீமை மொத்தமா ஆஃப் பண்ணிட்டாங்க.
மைதானத்துல டெல்லி அணிக்கு ஹீரோவா உருவெடுத்தது சமீர் ரிஸ்வி தான். இம்பாக்ட் பிளேயரா உள்ள வந்த ரிஸ்வி, 26 ரன்னுக்கு 4 விக்கெட் போயி டெல்லி அணி தத்தளிச்சப்போ, பொறுப்பா ஆடி 70 ரன்கள் குவிச்சு டீமை வெற்றி பாதைக்கு கூட்டிட்டு போனாரு. இவருக்கு துணையா டிரிஸ்டன் ஸ்டப்ஸ் 39 ரன்கள் எடுத்து கடைசி வரைக்கும் களத்துல இருந்தாரு.
முகமது ஷமி மற்றும் நேதன் குல்டர்-நைல் இவங்களோட வேகத்துல டெல்லி திணறினாலும், ரிஸ்வியோட அதிரடி ஆட்டம் எல்லாத்தையும் மாத்திருச்சு. லக்னோ தரப்புல மிட்செல் மார்ஷ் மற்றும் அப்துல் சமத் தலா 30 ரன்களுக்கு மேல எடுத்திருந்தாலும், அவங்களால ஒரு பெரிய ஸ்கோரை செட் பண்ண முடியல. நடராஜன் மற்றும் லுங்கி இங்கிடி தலா 3 விக்கெட்டுகளை வீழ்த்தி லக்னோவை 141 ரன்களுக்குள்ள கட்டுப்படுத்தினாங்க.
இந்த வெற்றி மூலமா டெல்லி கேபிடல்ஸ் இந்த சீசனை ஒரு கெத்தான வெற்றியோட ஆரம்பிச்சிருக்காங்க. அதே சமயம், சோசியல் மீடியாவிலயும் லக்னோ அணியை ‘ரோஸ்ட்’ பண்ணி ரசிகர்களுக்கு ஒரு பெரிய தீனியை போட்டுருக்காங்க. கே.எல். ராகுலோட இந்த கோல்டன் டக் அவுட் மற்றும் அதை தொடர்ந்து நடந்த இந்த ‘ஸ்டேர்கேஸ் வார்’ இப்போ ஐபிஎல் வட்டாரத்துல செம பரபரப்பை கிளப்பிருக்கு.
