விநாயகர் சிலை கரைப்பின் போது கிரேன் மூலம் விநாயகர் சிலையை தூக்கிய போது எடை தாங்க முடியாமல் சிலை கீழே விழுந்து உடைந்த சம்பவம் பெரும் பரபரப்பை ஏற்படுத்தியது.
சென்னை பாலவாக்கத்தில், விநாயகர் சிலை கரைப்பின்போது கிரேன் மூலம் தூக்கிய விநாயகர் சிலை எடைத்தாங்க முடியாமல் கீழே விழுந்து உடைந்தது. விநாயகர் சிலையை எடுத்து வந்த பக்தர்கள் போலீசார் உடன் இதனால் கடும் வாக்குவாதம் செய்தனர். அங்கு பரபரப்பு ஏற்பட்டது. சிலை உடைந்து விழுந்ததற்கு போலீஸார்கள் அவசரப்படுத்தியது தான் காரணம் என்று பக்தர்கள் குற்றம் சாட்டினர்.
பின்னர் சம்பவ இடத்திற்கு விரைந்து வந்த உயர் போலிஸ் அதிகாரிகள் சம்பந்தப்பட்ட பக்தர்களிடம் பேச்சுவார்த்தை நடத்தி அவர்களை சமாதானப்படுத்தி அனுப்பினார்கள். பின்னர் போலீசாரின் பேச்சு வார்த்தைக்கு பிறகு பக்தர்கள் அங்கிருந்து கலைந்து சென்றனர். கிரேன் மூலம் தூக்கிப் போது விநாயகர் சிலை உடைந்து விழுந்ததால் அங்கு பரபரப்பு ஏற்பட்டது.
விநாயகர் சிலைகளை கரைக்கும் போது பொதுமக்கள் யாரும் கடலுக்கு செல்ல வேண்டாம் என்றும், கடற்கரை முழுவதும் ஒரு கிலோமீட்டர் அளவுக்கு தடுப்பு கட்டைகள் அமைக்கப்பட்டிருந்தது குறிப்பிடத்தக்கது.
