‘எஃப்.ஐ.ஆர்’ (FIR) படம் மூலம் தமிழ் சினிமாவில் ஒரு தனி முத்திரையைப் பதித்த இயக்குநர் மனு ஆனந்த், தற்போது தனது அடுத்த படைப்பான ‘மிஸ்டர் எக்ஸ்’ (Mr. X) படத்துடன் களமிறங்கியுள்ளார். ஆர்யா மற்றும் கௌதம் கார்த்திக் இணைந்து நடித்துள்ள இந்தப் படத்தின் அதிரடி ட்ரைலர் சற்றுமுன் வெளியானது. ட்ரைலர் வெளியான ஒரு மணி நேரத்திலேயே சமூக வலைதளங்களில் ட்ரெண்டாகி வரும் நிலையில், படம் குறித்து இயக்குநர் மனு ஆனந்த் மிகவும் நேர்மையாகப் பேசியுள்ளது அனைவரது கவனத்தையும் ஈர்த்துள்ளது.
வழக்கமான கமர்சியல் இயக்குநர்கள் போலத் தனது படத்தைப் பெரிய அளவில் பில்டப் செய்யாமல், மனு ஆனந்த் மிகவும் வெளிப்படையாகப் பேசியுள்ளார். “இந்தப் படம் ஏதோ இதுவரை இந்திய சினிமாவே பார்த்திராத ஒரு உலக அதிசயம் என நான் சொல்ல மாட்டேன். எனக்கு ரசிகர்களிடம் பொய்யான எதிர்பார்ப்புகளை உருவாக்க விருப்பமில்லை. இது ஒரு தரமான, ஸ்டைலிஷ் ஸ்பை ஆக்ஷன் படம். நீங்கள் கொடுக்கும் காசுக்கு நிச்சயம் வஞ்சகம் செய்யாது. இது ஒரு பக்கா பைசா வசூல் படமாக இருக்கும், இது என் உறுதி” என அவர் உறுதியளித்துள்ளார்.
இயக்குநரின் இந்த ‘பச்சை’ உண்மையான பேச்சு சினிமா ரசிகர்களிடையே அவருக்குப் பெரிய நற்பெயரைப் பெற்றுத் தந்துள்ளளது.
தற்போது வெளியாகியுள்ள ட்ரைலரில் ஆர்யா மற்றும் கௌதம் கார்த்திக் இருவரும் அண்டர்கவர் ஏஜெண்டுகளாக மிரட்டுகிறார்கள். ஒரு அணுசக்தி கருவியை மீட்டெடுக்கும் மிஷனில் நடக்கும் துப்பாக்கிச் சண்டைகள் மற்றும் சேஸிங் காட்சிகள் ஹாலிவுட் தரத்தில் செம்ம ஸ்டைலிஷாக இருக்கின்றன. குறிப்பாக தீபு நினன் தாமஸின் பின்னணி இசை ட்ரைலருக்கு ஒரு சர்வதேச அந்தஸ்தைக் கொடுத்துள்ளது. படத்தின் மேக்கிங் ஒவ்வொரு காட்சியிலும் அதன் பிரம்மாண்டத்தைக் காட்டுகிறது.
நீண்ட நாட்களுக்குப் பிறகு ஒரு முறையான ஸ்பை ஆக்ஷன் திரில்லர் படம் பார்க்கப்போகிறோம் என்ற ஆர்வத்தில் ரசிகர்கள் உள்ளனர். இதில் மஞ்சு வாரியர் மற்றும் சரத்குமார் முக்கிய கதாபாத்திரங்களில் நடித்துள்ளனர். மனு ஆனந்த் தனது முந்தைய படத்தைப் போலவே இதிலும் ஒரு சீரியஸான கதைக் கருவை கமர்சியல் மசாலா கலந்து கொடுத்துள்ளார் என்பது தற்போதைய ட்ரைலரைப் பார்த்தாலே தெளிவாகத் தெரிகிறது.
ஏப்ரல் 17-ம் தேதி உலகமெங்கும் வெளியாக உள்ள ‘மிஸ்டர் எக்ஸ்’, சம்மர் ரேசில் ஒரு முக்கியமான படமாக இருக்கும் என்பதில் சந்தேகமில்லை.
அதிகப்படியான பில்டப் இல்லாமல், உண்மையான மேக்கிங்கை மட்டும் நம்பித் தேர்தெடுத்த இந்த வழிமுறை மனு ஆனந்திற்குப் பெரிய வெற்றியைத் தரும் என எதிர்பார்க்கப்படுகிறது. ஆர்யாவின் கட்டுக்கோப்பான உடல்வாக்கும், கௌதம் கார்த்திக்கின் துடிப்பான நடிப்பும் இந்தப் படத்திற்குப் பெரிய பலம். ஆக்ஷன் விரும்பிகளுக்கு இந்தப் படம் நிச்சயம் ஒரு ஏமாற்றம் அளிக்காத அனுபவமாக இருக்கும்.
Here’s the trailer of #MrX
We had a great time making it .. Hope you all like it ❤️🤗👍The X force goes all guns blazing 🔥#MrX – TRAILER out now!
Tamil ▶️ https://t.co/MXd25UgfQE
Telugu ▶️ https://t.co/W4s0m41XzACatch the spy action thriller on the big screens from the… pic.twitter.com/KGjXhi7dbR
— Arya (@arya_offl) April 9, 2026
