தமிழ் சினிமாவில் ‘படிக்காதவன்’ முதல் ‘ராயன்’ வரை தனது கடின உழைப்பால் உச்சத்தைத் தொட்டவர் நடிகர் தனுஷ். கடந்த ஆண்டு போயஸ் கார்டனில் அவர் பிரம்மாண்டமான ஒரு வீட்டைக் கட்டி குடியேறியது பெரும் செய்தியாக பேசப்பட்டது. குறிப்பாக, “நான் எல்லாம் போயஸ் கார்டன்ல வீடு வாங்கக்கூடாதா?” என்று அவர் ஒரு ஆடியோ வெளியீட்டு விழாவில் பேசியது, கடந்த சில மாதங்களாக சமூக வலைதளங்களில் மிகப்பெரிய அளவில் மீம்ஸ்களாக (Memes) உருவெடுத்து வைரலாகி வருகிறது.
இந்த மீம்ஸ்கள் குறித்து சமீபத்திய பேட்டி ஒன்றில் தனுஷிடம் கேட்கப்பட்டபோது, அவர் மிகவும் பக்குவமான மற்றும் மாஸான ஒரு பதிலைக் கொடுத்துள்ளார். இது குறித்து அவர் கூறுகையில், “அதை எப்படி எடுத்துக்கணும் என்கிறது நம்ம கிட்ட தான் இருக்கு. அதற்கு ஒரு சின்ன கதை சொல்றேன். சமீபத்தில் ஏர்போர்ட் பஸ்ஸில் போயிட்டு இருக்கும் போது, அங்கிருந்த டிரைவர் அண்ணா என்கிட்ட ஒரு செல்ஃபி கேட்டுட்டு, ‘சார், நான் யார்கிட்டயும் இதுவரைக்கும் செல்ஃபி கேட்டதில்லை. ஆனா நீங்க போயஸ் கார்டன்ல வீடு வாங்கினதா சொன்னது என் பையனுக்கு ஒரு பெரிய இன்ஸ்பிரேஷனா (Inspiration) இருந்தது’ அப்படின்னு சொன்னாரு” என நெகிழ்ச்சியுடன் பகிர்ந்துள்ளார்.
“அதை இன்ஸ்பிரேஷனா பார்த்தா இன்ஸ்பிரேஷன், மீம்ஸா பார்த்தா மீம்ஸ்!” என்று தனுஷ் கூறியது ரசிகர்களிடையே வரவேற்பைப் பெற்றுள்ளது. மீம்ஸ்கள் போடுவதையும் அவர் ஒரு பொழுதுபோக்காகவே பார்க்கிறார். “எல்லாரையும் என்டர்டெயின் பண்றது தானே நம்ம வேலை. அதில் இதுவும் ஒரு பகுதிதான்” என்று அவர் மிக எளிமையாகக் கடந்து சென்றுள்ளார். ஒரு சாதாரண பின்புலத்தில் இருந்து வந்து, இன்று திரையுலகின் ஜாம்பவான்கள் வசிக்கும் பகுதியில் ஒரு வீட்டை வாங்குவது என்பது பல இளைஞர்களுக்கு ஒரு உந்துதலாகவே பார்க்கப்படுகிறது.
சமீபத்தில் வெளியான ‘கர’ படத்தின் டிரைலர் வேற லெவலில் ஹிட் அடித்துள்ள நிலையில், தனுஷின் இந்த பக்குவமான பேச்சு அவர் மீதான மதிப்பைக் கூட்டுகிறது. மீம்ஸ்கள் ஒரு பக்கம் கிண்டலாக இருந்தாலும், அடிமட்டத்திலிருந்து மேலே வருபவர்களுக்கு தனுஷ் ஒரு வாழும் உதாரணமாகத் திகழ்கிறார் என்பதில் மாற்றுக்கருத்து இல்லை.
