தமிழ் சினிமா ரசிகர்களால் ஆவலுடன் எதிர்பார்க்கப்படும் காதல் மற்றும் அதிரடித் திரைப்படமான ‘அன்பில் அவன்’ (Anbil Avan) படத்தின் வெளியீட்டுத் தேதி மாற்றப்பட்டுள்ளது. அறிமுக இயக்குநர் கார்த்திக் ராமகிருஷ்ணன் இயக்கத்தில், நடிகர் அசோக் செல்வன் (Ashok Selvan) மற்றும் பிரீத்தி முகுந்தன் (Preity Mukundan) முன்னணி கதாபாத்திரங்களில் நடித்துள்ள இப்படத்தின் ட்ரெய்லர் சமீபத்தில் வெளியாகி நல்ல வரவேற்பைப் பெற்றது. ‘போர்தொழில்’ புகழ் விக்னேஷ் ராஜா இப்படத்திற்கு கதை எழுதியுள்ளார்.
முன்னதாக இப்படம் வரும் செப்டம்பர் 25-ம் தேதி உலகமெங்கும் திரையரங்குகளில் வெளியாகும் என அறிவிக்கப்பட்டிருந்தது. இந்நிலையில், சில தவிர்க்க முடியாத காரணங்களால் இப்படத்தின் ரிலீஸ் தேதி அக்டோபர் 2 ஆம் தேதிக்கு மாற்றப்பட்டுள்ளதாகப் படக்குழு அதிகாரப்பூர்வமாக அறிவித்துள்ளது. கோவிந்த் வசந்தா இசையில் உருவாகியுள்ள இப்படத்தின் புதிய வெளியீட்டுத் தேதி ரசிகர்களிடையே மேலும் எதிர்பார்ப்பை ஏற்படுத்தியுள்ளது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
