தென்னிந்திய சினிமாவின் முன்னணி நட்சத்திரமான ‘மேன் ஆஃப் மாசஸ்’ ஜூனியர் என்.டி.ஆர் (Jr. NTR) குறித்த அடுத்த அதிரடித் திரைப்படத்தின் அதிகாரப்பூர்வ அறிவிப்பு தற்போது வெளியாகியுள்ளது. பான்-இந்தியா அளவிலான பிரம்மாண்டமான மற்றும் தீவிரமான ஆக்ஷன் கதைகளில் தொடர்ந்து நடித்து வந்த ஜூனியர் என்.டி.ஆர், அடுத்ததாகப் பிரபல இயக்குநர் அனில் ரவிபுடி (Anil Ravipudi) இயக்கத்தில் நடிக்கவுள்ளார். இந்த அறிவிப்பு வெளியானது முதலே அவரது ரசிகர்களை உற்சாகத்தில் ஆழ்த்தியுள்ளது.
சினிமா வட்டாரங்களின் தகவல்படி, இப்படம் இதுவரை இல்லாத அளவுக்கு ஒரு முழு நீள கமர்ஷியல் லாஃப் ரயாட் (Laugh riot) திரைப்படமாக உருவாகவுள்ளது. இதுவரை பான்-இந்தியா மோடில் மிரட்டி வந்த ஜூனியர் என்.டி.ஆர், இப்படத்தின் மூலம் ரசிகர்களைக் குதுகலப்படுத்தும் வகையில் ஒரு ரசிக்கத்தக்க லோக்கல் ஹீரோ மோடிற்கு (Local hero mode) மாறவுள்ளதாகப் படக்குழு தெரிவித்துள்ளது. அனில் ரவிபுடியின் தனித்துவமான நகைச்சுவை உணர்வும், ஜூனியர் என்.டி.ஆரின் அசாத்தியமான மாஸ் எனர்ஜியும் இணைந்து திரையரங்குகளை அதிரவைக்கும் என எதிர்பார்க்கப்படுகிறது.
தற்போது அறிவிப்பு வெளியாகியுள்ள நிலையில், இப்படத்தில் நடிக்கவுள்ள கதாநாயகி, பிற நட்சத்திரங்கள் மற்றும் தொழில்நுட்பக் கலைஞர்கள் குறித்த விரிவான தகவல்களைப் படக்குழு விரைவில் அதிகாரப்பூர்வமாக வெளியிடும் என எதிர்பார்க்கப்படுகிறது. திரையரங்குகளில் முழுக்க முழுக்கச் சிரிப்பும் கொண்டாட்டமும் நிறைந்த விருந்தாக இப்படம் அமையும் என்பதில் சந்தேகமில்லை.
