இந்திய திரையுலகம் இதுவரை கண்டிராத பிரம்மாண்ட படைப்பாக இயக்குநர் நிதிஷ் திவாரி இயக்கத்தில் உருவாகியுள்ள ‘ராமாயணம்’ திரைப்படம் உலக சினிமா அரங்கில் புதிய வரலாற்றை எழுதி வருகிறது. ரன்பீர் கபூர் ஸ்ரீராமர் கதாபாத்திரத்திலும், சாய் பல்லவி சீதையாகவும், முன்னணி நடிகர் யஷ் மற்றும் சன்னி தியோல் உள்ளிட்ட பல நட்சத்திரங்கள் இணைந்து நடித்துள்ள இப்படம், வெளியான நாள் முதலே பாக்ஸ் ஆபிஸில் நிகழ்த்திய சாதனைகள் அனைத்து வரம்புகளையும் தகர்த்துள்ளன.
தற்போது பவுன்ஸ் ஆகிவரும் பாக்ஸ் ஆபிஸ் நிலவரப்படி, இப்படம் உலகளவில் 900 கோடி ரூபாய்க்கும் அதிகமான வசூலைக் குவித்து புதிய உச்சத்தைத் தொட்டுள்ளது. குறிப்பாக, வெளியான முதல் 7 நாட்களுக்குத் தொடர்ந்து ஒவ்வொரு நாளும் உலகளாவிய ரீதியில் 100 கோடி ரூபாய்க்கு மேல் வசூலித்த முதல் இந்தியத் திரைப்படம் என்ற வரலாற்றுச் சாதனையை ‘ராமாயணம்’ படைத்துள்ளது. எந்தவொரு இந்தியத் திரைப்படமும் இதுவரை தொடர்ச்சியாக இத்தகைய வசூல் அலைகளை உருவாக்கியதில்லை என்பது குறிப்பிடத்தக்கது.
தற்போதைய அபாரமான வரவேற்பைக் பார்க்கும்போது, இன்னும் ஓரிரு நாட்களுக்குள் இப்படம் 1000 கோடி ரூபாய் கிளப்பில் அதிகாரப்பூர்வமாக இணையவுள்ளது உறுதியாகியுள்ளது. உலகெங்கிலும் உள்ள திரையரங்குகளில் ரசிகர்களின் வெள்ளத்தில் சக்கைப்போடு போட்டு வரும் இப்படம், இந்திய சினிமா வரலாற்றின் ‘சர்வகால மிகப்பெரிய பிளாக்பஸ்டர்’ (The Biggest Blockbuster in the History of Indian Cinema) என்ற பெருமையை அசைக்க முடியாத அளவுக்கு நிலைநாட்டியுள்ளது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
