சூப்பர் ஸ்டார் ரஜினியின் ‘தர்மன்’ அப்டேட்: மாஸ் டர்னிங்குடன் களமிறங்கும் மாமனார் – மருமகன் கூட்டணி!

கோலிவுட் வட்டாரத்தில் தற்பொழுது மிகவும் எதிர்பார்க்கப்படும் திரைப்படங்களில் ஒன்றாகியுள்ளது சூப்பர் ஸ்டார் ரஜினிகாந்த் (Superstar Rajinikanth) நடிப்பில் உருவாகும் ‘தர்மன்’ (Dharman). இப்படத்தை இயக்குநர் அஸ்வத் மாரிமுத்து (Ashwath Marimuthu) இயக்க, ராஜ் கமல் ஃபிலிம்ஸ் இன்டர்நேஷனல் (Raaj Kamal Films International) நிறுவனம் தயாரித்து வருகிறது.

தெலுங்கு ஊடக வட்டாரங்களின் தகவல்படி, இப்படம் மாமனார் மற்றும் மருமகன் இடையேயான மோதலை மையமாகக் கொண்ட ஒரு பக்கா கமர்ஷியல் குடும்பப் படமாக உருவாகி வருவதாகக் கூறப்படுகிறது. இப்படத்தில் ரஜினிகாந்த் மாமனார் கதாபாத்திரத்திலும், சிம்மரன் மாமியார் கதாபாத்திரத்திலும் நடிக்கின்றனர். மேலும், தெலுங்குத் திரையுலகின் முன்னணி நடிகரான ராம் பொத்தினேனி (Ram Pothineni) இப்படத்தில் மிக முக்கியமான மற்றும் மாஸான கதாபாத்திரத்தில் நடிக்கவுள்ளதாகத் தகவல்கள் வெளியாகியுள்ளன. இவர்களுடன் ராஷி கண்ணா மற்றும் யோகி பாபு உள்ளிட்ட பலரும் முக்கியக் கதாபாத்திரங்களில் நடிக்கின்றனர்.

அனிருத் இசையமைக்கும் இப்படத்தின் படப்பிடிப்பு விறுவிறுப்பாக நடைபெற்று வருகிறது. மாஸ் கலந்த குடும்பக் கதையாக உருவாகும் இப்படத்தின் அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.