தமிழ் திரையுலகின் உச்ச நட்சத்திரமான சூப்பர் ஸ்டார் ரஜினிகாந்த் நடிப்பில், இளம் இயக்குநர் அஷ்வத் மாரிமுத்து இயக்கத்தில் உருவாகி வரும் பிரம்மாண்டமான திரைப்படம் ‘தர்மன்’ (Dharman). உலகநாயகன் கமல்ஹாசனின் ராஜ் கமல் ஃபிலிம்ஸ் இன்டர்நேஷனல் (RKFI) மற்றும் ஆர். மகேந்திரனின் டர்மிரிக் மீடியா இணைந்து தயாரிக்கும் இத்திரைப்படம், சினிமா வட்டாரத்தில் தொடக்கம் முதலே மிகப்பெரிய எதிர்பார்ப்பை ஏற்படுத்தியுள்ளது. இப்படத்திற்கு அனிருத் இசையமைக்கிறார்.
DHARMAN 2nd Schedule Wrapped
SWAG Mode: ON 🔥#Dharman #KettaPaiyanSir#SuperstarRajinikanth #KamalHaasan@rajinikanth @ikamalhaasan #Mahendran @Dir_Ashwath @anirudhofficial @anbariv @iYogiBabu @SimranbaggaOffc #RaashiKhanna @nikethbommi #KarthikRajkumar @PradeepERagav… pic.twitter.com/AeqtJWrU8v— Turmeric Media (@turmericmediaTM) September 4, 2026
பல்வேறு எதிர்பார்ப்புகளுக்கு இடையில் உருவாகி வரும் இப்படத்தின் இரண்டாம் கட்ட படப்பிடிப்பு தற்போது வெற்றிகரமாக நிறைவடைந்துள்ளதாக படக்குழு அதிகாரப்பூர்வமாக அறிவித்துள்ளது. இதில் ‘The Deadly Doctor’ என்ற மிரட்டலான ஸ்டைலிஷ் தோற்றத்தில் சூப்பர் ஸ்டார் ரஜினிகாந்த் நடித்துள்ளார். குறிப்பாக, இயக்குநர் அஷ்வத் மாரிமுத்துவின் துரிதமான இயக்கத்தால் திட்டமிடப்பட்ட நாட்களுக்கு முன்பே காட்சிகள் படமாக்கப்பட்டுள்ளன. நான்கு நாட்களில் முடிக்க திட்டமிடப்பட்ட காட்சிகளை வெறும் இரண்டு நாட்களிலேயே படக்குழு திட்டமிட்டு முடித்து சாதனை படைத்துள்ளது. இயக்குநரின் இந்த வேகத்தைப் பார்த்து சூப்பர் ஸ்டார் ரஜினிகாந்த் உட்பட படக்குழுவினர் அனைவரும் மிகுந்த ஈர்க்கப்பட்டுள்ளதாகத் தகவல்கள் வெளியாகியுள்ளன.
பக்கா கமர்ஷியல் மற்றும் ஆக்ஷன் கலந்த திரைப்படமாக உருவாகி வரும் இப்படத்தின் ஷூட்டிங் பணிகள் இதே வேகத்தில் தொடர்ந்தால், எதிர்வரும் 2027 பொங்கல் பண்டிகையை முன்னிட்டு இப்படம் திரையரங்குகளில் பிரம்மாண்டமாக வெளியாகும் என எதிர்பார்க்கப்படுகிறது. ரஜினியின் மாஸ் ஸ்வாக் மற்றும் அஷ்வத் மாரிமுத்துவின் மேக்கிங் ஸ்டைல் இணைந்து தர்மன் படத்தை கோலிவுட்டின் அடுத்த மிகப்பெரிய பிளாக்பஸ்டர் ஹிட் பட்டியலில் சேர்க்கும் என ரசிகர்கள் ஆவலுடன் காத்திருக்கின்றனர்.
