தமிழ் திரையுலகின் ‘நடிப்பு அசுரன்’ சியான் விக்ரம் ரசிகர்களுக்கு இன்று ஒரே நேரத்தில் இரண்டு பெரிய செய்திகள் வெளியாகியுள்ளன. ஒன்று அவரது புதிய படத்தின் அதிரடி தொடக்கம், மற்றொன்று பல வருடங்களாகக் காத்திருக்கும் படத்தின் ரிலீஸ் குறித்த நம்பிக்கை.
யூடியூபை அதிரவிடும் சியான் 63: ‘இருமுகன்’ படத்தின் வெற்றிக்குப் பிறகு, இயக்குநர் ஆனந்த் சங்கர் மற்றும் விக்ரம் மீண்டும் இணைந்துள்ள ‘சியான் 63’ (#Chiyaan63) திரைப்படத்தின் ‘First Flame’ அனௌன்ஸ்மென்ட் வீடியோ தற்போது இணையத்தில் காட்டுத்தீயாய் பரவி வருகிறது. சத்யஜோதி ஃபிலிம்ஸ் தயாரிப்பில், சந்தோஷ் நாராயணன் இசையில் உருவாகும் இந்தப் படத்தின் வீடியோ, வெளியான சில மணி நேரங்களிலேயே யூடியூப் டிரெண்டிங்கில் தமிழக அளவில் 2-வது இடத்தையும், இந்திய அளவில் 13-வது இடத்தையும் பிடித்துள்ளது. விக்ரமின் ரீ-என்ட்ரி பக்கா மாஸாக இருக்கும் என்பதை இந்த வீடியோ உறுதிப்படுத்தியுள்ளது.
His RE-ENTRY is nothing less than ROCKING 🔥#Chiyaan63 FIRST FLAME trending now on YouTube!
▶️ https://t.co/2FnD5WdVsP@SathyaJyothi @chiyaan @anandshank @Music_Santhosh @RDRajasekar @arjun1on @saisiddharth_ @PoornimaRamasw1 @shankaruppusamy @gopiprasannaa @aimsathishpro… pic.twitter.com/wnQgiMt5c7
— Sathya Jyothi Films (@SathyaJyothi) April 28, 2026
துருவ நட்சத்திரம் – நீதிமன்றத்தில் நடந்தது என்ன? இதற்கிடையில், விக்ரமின் மற்றொரு பிரம்மாண்ட படைப்பான ‘துருவ நட்சத்திரம்’ ரிலீஸ் குறித்த வழக்கு இன்று (ஏப்ரல் 28, 2026) சென்னை உயர்நீதிமன்றத்தில் விசாரணைக்கு வந்தது. அப்போது இயக்குநர் கௌதம் வாசுதேவ் மேனன், படத்தில் நிலுவையில் உள்ள கடன் விபரங்கள் மற்றும் யாருக்கெல்லாம் பணம் தரப்பட வேண்டும் என்பது குறித்த விரிவான பிரமாணப் பத்திரத்தைத் தாக்கல் செய்தார்.
அனைத்து கடன்களும் முறையாகச் சரிபார்க்கப்பட்டு தீர்க்கப்பட்டால், படத்தை வரும் மே 27-ம் தேதி ரிலீஸ் செய்யத் திட்டமிட்டுள்ளதாகத் தெரிவிக்கப்பட்டுள்ளது. கௌதம் மேனன் தாக்கல் செய்த கடன் விபரங்களைச் சரிபார்க்க முதலீட்டாளர்களுக்கு நீதிமன்றம் ஒரு நாள் அவகாசம் அளித்து, விசாரணையை நாளைக்கு (ஏப்ரல் 29) ஒத்திவைத்துள்ளது.
நாளை நீதிமன்றம் பச்சைக்கொடி காட்டினால், நீண்ட நாள் காத்திருப்புக்கு முடிவாக சியான் விக்ரமின் ஸ்டைலிஷ் ஸ்பை த்ரில்லர் மே மாதம் திரைக்கு வரும் என எதிர்பார்க்கப்படுகிறது. ஒரே நேரத்தில் அடுத்தடுத்த அப்டேட்டுகளால் விக்ரம் ரசிகர்கள் மிகுந்த உற்சாகத்தில் உள்ளனர்.
