இந்திய திரையுலகில் கடந்த ஆண்டு வெளியாகி பாக்ஸ் ஆபீஸில் பல அதிரடி சாதனைகளை தவிடுபொடியாக்கிய திரைப்படம் துரந்தர். ரன்வீர் சிங் நடிப்பில் ஆக்ஷன் திரில்லர் ஜானரில் உருவான இந்த படம், திரையரங்குகளில் ரசிகர்களை சீட் நுனியில் உட்கார வைத்தது. தற்போது இந்த பிரம்மாண்ட படைப்பு சின்னத்திரைக்கு வரத் தயாராகிவிட்டது. ஜியோஸ்டார் நெட்வொர்க்கின் கீழ் இயங்கும் ஸ்டார் விஜய் தொலைக்காட்சியில் வரும் மே 31-ம் தேதி மதியம் 2:30 மணிக்கு துரந்தர் திரைப்படம் ஒளிபரப்பப்பட உள்ளது. சினிமா ரசிகர்களுக்கு இது ஒரு தரமான விருந்தாக அமையும் என்பதில் சந்தேகமே இல்லை.
இந்த மெகா ஹிட் மூவி தமிழ் மட்டுமின்றி தென்னிந்தியாவின் முன்னணி சேனல்களான ஏசியாநெட், ஸ்டார் மா மற்றும் கலர்ஸ் கன்னடா ஆகிய சேனல்களிலும் அதே நேரத்தில் ஒளிபரப்பாகிறது. ஒரே நேரத்தில் இத்தனை மொழிகளில் ஒரு படம் சின்னத்திரையில் வெளியாவது இதுவே முதல்முறை எனக் கூறப்படுகிறது. ரன்வீர் சிங் ஒரு நேர்மையான அதே சமயம் அதிரடியான கதாபாத்திரத்தில் மிரட்டியிருப்பார். ஆதித்யா தார் இயக்கத்தில் உருவான இந்தப் படத்தில் சஞ்சய் தத் மற்றும் மாதவன் போன்ற நட்சத்திர பட்டாளமே நடித்திருப்பது கூடுதல் பலம்.
டிஜிட்டல் தளங்களை தாண்டி இப்போது தொலைக்காட்சியில் இந்த படம் வரப்போவதால் குடும்பங்கள் கொண்டாடும் ஒரு மெகா ஈவென்ட்டாக இது மாறியுள்ளது. ஜியோஸ்டார் நிறுவனம் இதற்கான அதிகாரப்பூர்வ அறிவிப்பை தற்போது வெளியிட்டுள்ளது. 39 நாட்களில் இந்த படம் உங்கள் வீட்டு வரவேற்பறைக்கு வரப்போகிறது என்கிற செய்தி சோசியல் மீடியாவில் வைரலாகி வருகிறது. தியேட்டருக்கு சென்று பார்க்கத் தவறியவர்கள் மற்றும் மீண்டும் ஒருமுறை இந்த ஆக்ஷன் ட்ரீட்டை அனுபவிக்க நினைப்பவர்களுக்கு இது ஒரு செம சான்ஸ்.
துரந்தர் படத்தின் இரண்டாம் பாகம் தற்போது திரையரங்குகளில் வெற்றிகரமாக ஓடிக்கொண்டிருக்கும் வேளையில், முதல் பாகத்தை டிவியில் போடுவது ரசிகர்களிடையே பெரும் எதிர்பார்ப்பை கிளப்பியுள்ளது. சினிமா உலகில் இந்த ஆண்டு நடக்கும் மிகப்பெரிய டெலிவிஷன் ஈவென்ட் இதுதான் என்று ஜியோஸ்டார் தரப்பில் அடித்துச் சொல்கிறார்கள். தமிழ் மண்வாசனை மாறாத வசனங்களுடன் ஸ்டார் விஜய்யில் இந்தப் படம் வெளியாகும்போது அதன் ரீச் வேற லெவலில் இருக்கும் என எதிர்பார்க்கப்படுகிறது.
ஒவ்வொரு மொழியிலும் உள்ளூர் ரசிகர்களுக்கு ஏற்றவாறு டப்பிங் பணிகளும் நேர்த்தியாக செய்யப்பட்டுள்ளன. மதிய நேரத்தில் ஒட்டுமொத்த இந்தியாவும் டிவியின் முன்னால் அமரப்போகும் ஒரு தருணமாக இது அமையப்போகிறது. இந்த பிரம்மாண்ட பிரீமியர் மூலமாக டிஆர்பி ரேட்டிங்கில் புதிய உச்சத்தை தொட ஸ்டார் விஜய் மற்றும் ஜியோஸ்டார் நெட்வொர்க் திட்டமிட்டுள்ளது. ஜியோஸ்டார் ‘வேர் இந்தியா வாட்சஸ்’ என்கிற தாரக மந்திரத்துடன் இந்த ஒளிபரப்பை முன்னெடுக்கிறது. மே 31 மதியம் 2:30 மணிக்காக இப்போதே ரசிகர்கள் அலாரம் வைத்து காத்திருக்கத் தொடங்கிவிட்டனர்.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
