பாலிவுட் திரையுலகில் தற்போது மிகவும் மார்க்கெட் வேல்யூ கொண்ட இயக்குநராக உருவெடுத்துள்ளவர் ஆதித்யா தார். இவரது இயக்கத்தில் சமீபத்தில் வெளியான ‘துரந்தர்’ (Dhurandhar) மற்றும் அதன் இரண்டாம் பாகமான ‘துரந்தர்: தி ரிவெஞ்ச்’ ஆகிய இரண்டு படங்களும் பாக்ஸ் ஆபீஸில் தலா ஆயிரம் கோடிக்கும் மேல் வசூல் செய்து இந்திய சினிமாவையே மிரள வைத்தது. இந்த அசுரத்தனமான வெற்றியைத் தொடர்ந்து, ஆதித்யா தார் தனது நீண்ட நாள் கனவுத் திட்டமான ‘அஸ்வத்தாமா’ (The Immortal Ashwatthama) திரைப்படத்தை மீண்டும் கையில் எடுத்துள்ளதாகத் திரைத்துறை வட்டாரங்களில் பலமான பேச்சு ஓடிக்கொண்டிருக்கிறது. சுமார் 800 முதல் 1000 கோடி ரூபாய் வரையிலான பிரம்மாண்ட பட்ஜெட்டில் இந்தப் படம் உருவாக உள்ளதால் ஒட்டுமொத்த இந்திய சினிமா மார்க்கெட்டும் தற்போது இதைப் பற்றித்தான் விவாதித்து வருகிறது.
இந்தத் திரைப்படத்தில் ஹீரோவாக நடிக்கப் போவது யார்? என்ற கேள்விக்கு தற்போது ஒரு முக்கியமான இண்டஸ்ட்ரி அப்டேட் கிடைத்துள்ளது. ‘துரந்தர்’ படத்தின் பிளாக்பஸ்டர் வெற்றிக்குப் பிறகு, ஆதித்யா தார் மீண்டும் ரன்வீர் சிங்கையே தனது ஹீரோவாக லாக் செய்ய அதிக வாய்ப்புள்ளதாகத் தெரிகிறது. ரன்வீர் சிங் தற்போது பாலிவுட் பாக்ஸ் ஆபீஸில் டாப் கியரில் இருப்பதால், அவரை வைத்து இந்தப் பிரம்மாண்டமான ப்ராஜெக்ட்டை முடிப்பதே சரியாக இருக்கும் என இயக்குநர் உறுதியாக உள்ளார். அஸ்வத்தாமா படத்தின் திரைக்கதை மற்றும் ஹாலிவுட் தரத்திலான விஎஃப்எக்ஸ் (VFX) பணிகளுக்காகவே பல நூறு கோடிகளைச் செலவு செய்ய படக்குழுவினர் பக்கா பிளானில் இறங்கியுள்ளனர்.
ஏற்கனவே விக்கி கௌஷலை வைத்து இந்தப் படம் தொடங்குவதாக இருந்தது, சில நிதி நெருக்கடி காரணங்களால் தற்காலிகமாக நிறுத்தப்பட்டது. ஆனால் இப்போது துரந்தர் படத்தின் மூலம் கிடைத்த மிகப்பெரிய லாபம் மற்றும் ஜியோ ஸ்டுடியோஸ் (Jio Studios) உடனான ஒப்பந்தம், இந்தப் படத்திற்குப் பச்சைக்கொடி காட்ட தயாரிப்பாளர்களுக்கு முழு தைரியத்தைக் கொடுத்துள்ளது. இந்தப் படம் ஹாலிவுட் மார்வெல் தரத்தில் ஒரு மைதாலஜி ஆக்ஷன் திரைப்படமாக இருக்கும் என்பதால் பிளாட்ஃபாரம் முழுக்க இதைப் பற்றிய பேச்சுதான் ஓடிக்கொண்டிருக்கிறது. ரன்வீர் சிங் மட்டுமின்றி தென்னிந்திய சூப்பர்ஸ்டார் ஒருவரையும் படத்தில் இணைக்க ஆதித்யா தார் தீவிரமாகப் பேச்சுவார்த்தை நடத்தி வருகிறார்.
இது குறித்த அதிகாரப்பூர்வமான அறிவிப்பு இன்னும் சில வாரங்களில் வெளியாக வாய்ப்புள்ளதாக சினிமா வட்டாரங்களில் செய்தி கசிந்துள்ளதால், ரசிகர்கள் செம்ம ஹேப்பியில் உள்ளனர்.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
