தமிழ் சினிமாவுல இப்போ ‘ரீ-பிராண்டிங்’ காலம்னு தான் சொல்லணும். நடிகர் ஜெயம் ரவி இப்போ தன்னோட பேரை அதிகாரப்பூர்வமா ‘ரவி மோகன்’னு மாத்திக்கிட்டு, ஒரு புது இன்னிங்ஸை ஆரம்பிச்சிருக்கார். அந்த வகையில, ‘டாடா’ பட புகழ் கணேஷ் கே பாபுவோட கைகோர்த்து அவர் நடிச்சிருக்கிற ‘கராத்தே பாபு’ படத்துக்கு எக்கச்சக்க எதிர்பார்ப்பு இருக்கு. ரொம்ப நாளா இந்த அப்படேட் எப்போ வரும்னு காத்துட்டு இருந்த ரசிகர்களுக்கு, இன்னைக்கு (ஜனவரி 23, 2026) ஒரு செம மாஸ் நியூஸ் கிடைச்சிருக்கு. படத்தோட டீசர் நாளைக்கு, அதாவது ஜனவரி 24 காலை 11 மணிக்கு ரிலீஸாகப்போகுது.
ஆனா இந்தத் தேதியை அறிவிக்கும்போது படக்குழு கூடவே ஒரு ‘எச்சரிக்கை’ செய்தியையும் சேர்த்துப் போட்டுருக்காங்க பாருங்க, அங்கதான் விஷயமே இருக்கு. “இந்தத் திரைப்படத்தில் வரும் சம்பவங்கள் மற்றும் கதாபாத்திரங்கள் அனைத்தும் கற்பனையே, யாரையும் தனிப்பட்ட முறையில் குறிப்பிடவில்லை”னு ஒரு டிஸ்க்ளைமரை தட்டிவிட்டிருக்காங்க. நிஜ உலகத்துல இப்போ இருக்குற அரசியல் சூழலை வச்சுப் பார்த்தா, இந்தப் படம் கண்டிப்பா ஏதோ ஒரு பெரிய ‘வெடி’யை உள்ள வச்சிருக்குனு மட்டும் புரியுது. ஏற்கனவே டைட்டில் டீசர்ல ஆர்.கே நகர் எம்.எல்.ஏ-வா வர்ற ரவி மோகன், “நீ கெரியருக்காக அரசியலுக்கு வந்த, நான் என் கேரக்டருக்காக வந்தவன்”னு பேசுற டயலாக் இப்போ வரைக்கும் டிரெண்டிங்ல இருக்கு.
உண்மையைச் சொல்லப்போனா, ரவி மோகனுக்கு இது ஒரு முக்கியமான படம். ஏற்கனவே பொங்கல் ரிலீஸான ‘பராசக்தி’ படத்துல வில்லனா மிரட்டிட்டு, இப்போ ஒரு பவர்ஃபுல் பொலிட்டிக்கல் ஹீரோவா வர்றார். தமிழ்நாடு டிஜிபி சங்கர் ஜிவாலோட மகள் தவ்தி ஜிவால் இதுல ஹீரோயினா அறிமுகமாகுறாங்க. நாசர், கே.எஸ். ரவிக்குமார்னு ஒரு பெரிய நட்சத்திர பட்டாளமே இதுல இருக்காங்க. “ஒரு எம்.எல்.ஏ-வோட நிஜமான வாழ்க்கை எப்படி இருக்கும், அவரோட எமோஷனல் பக்கம் என்ன”ங்கிறதுதான் கதையாம். ஆனா படக்குழு கொடுத்த அந்த ‘கவனமா இருங்க’ங்கிற மெசேஜ் தான் இப்போ ஊர் முழுக்க பேச்சா இருக்கு. இது யாரையோ வம்புக்கிழுக்கப்போகுதுன்னு நெட்டிசன்ஸ் இப்போவே கமெண்ட் பண்ண ஆரம்பிச்சிட்டாங்க.
சினிமாவுல அரசியலைப் பேசுறது ஒன்னும் புதுசு இல்லனாலும், இந்த 2026 தேர்தல் நேரத்துல வர்ற படங்கள் மேல ஒரு தனி கவனம் இருக்கத்தான் செய்யுது. சாம் சி.எஸ் இசைல டீசர் பிஜிஎம் எப்போ வரும்னு ரவி மோகன் ரசிகர்கள் ஆவலா இருக்காங்க. ஒரு சாமானியன் எப்படி ‘கராத்தே பாபு’வா மாறுறார், அவர் சந்திக்கிற சவால்கள் என்னன்னு நாளைக்கு டீசர்ல ஒரு குட்டித் தரிசனம் கிடைச்சிடும். என்னதான் “கற்பனை”னு சொன்னாலும், அந்த கற்பனைக்குள்ள எவ்வளவு நிஜம் கலந்திருக்குன்னு நாளைக்கு டீசரைப் பார்த்ததும் தெரிஞ்சுடும். தளபதி விஜய்யின் தவெக-விற்கு விசில் சின்னம் கிடைத்த அதே வாரத்தில் இந்த அப்டேட் வருவது அரசியல் வட்டாரத்திலும் ஒரு அதிர்வலையை உண்டாக்கியிருக்கிறது!
