யூடியூப் மற்றும் சமூக வலைதளங்கள் மூலம் அறியப்பட்ட பிரபல ஸ்டாண்ட்-அப் காமெடியன் விக்கல்ஸ் விக்ரம் (Vikkals Vikram), கதையின் நாயகனாகக் களமிறங்கும் புதிய திரைப்படம் ‘லைட்வெயிட் பேபி!’ (Lightweight Baby!). இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது.
View this post on Instagram
“She lifts. He holds on. Love? That’s the real workout.” என்ற கலகலப்பான டேக்லைனுடன் உருவாகியுள்ள இப்படத்தை இயக்குநர் கே.சி. குரு (KC Guru) இயக்கியுள்ளார். இப்படத்தில் விக்கல்ஸ் விக்ரமுடன் இணைந்து பிரபல ஃபிட்னஸ் மற்றும் பாடிபில்டிங் ஆளுமை ஆரத்தி கிருஷ்ணா (Arathy Krishna) கதாநாயகியாக அறிமுகமாகிறார். ஜிம் மற்றும் ஃபிட்னஸ் உலகை பின்னணியாகக் கொண்டு, முற்றிலும் மாறுபட்ட இரண்டு உலகங்களைச் சேர்ந்தவர்கள் சந்திக்கும் சுவாரஸ்யமான கதையாக இப்படம் உருவாகியுள்ளது.
ஹிதா ஸ்டுடியோஸ் (Hitha Studios) தயாரிப்பில் உருவாகியுள்ள இப்படத்திற்குச் சரவணன் சுப்பிரமணியம் இசையமைத்துள்ளார். நகைச்சுவை மற்றும் காதலின் கலவையாகத் திரைக்கு வரவிருக்கும் இப்படத்தின் ஃபர்ஸ்ட் லுக் தற்போது சமூக வலைதளங்களில் வைரலாகி வருகிறது.
