தமிழக அரசியல் களத்துல இப்போ ‘விசில்’ சத்தம் தான் ரொம்ப அதிகமா கேட்குது. விஜய்யின் தமிழக வெற்றிக் கழகம் (TVK) கேட்ட சின்னங்கள்ல தேர்தல் ஆணையம் கடைசியா இந்த விசில் சின்னத்தை அதிகாரப்பூர்வமா ஒதுக்கியிருக்கு. விஜய், விக்ரவாண்டி, வி-ரோடுன்னு இப்போ ‘விசில்’ வரைக்கும் எல்லாமே அந்த ‘V’ சென்டிமென்ட்ல அமைஞ்சிருக்கிறது ரசிகர்களுக்கு ஒரு பெரிய பூஸ்ட்டா இருக்கு.
விஜய் கட்சிக்கு இந்தச் சின்னம் கிடைச்சதுக்கு அப்புறம் தான், இதுக்கு முன்னாடி யார் யாரெல்லாம் இந்த விசிலை ஊதியிருக்காங்கன்னு ஒரு பெரிய லிஸ்ட்டே வெளியாகி இருக்கு. இதுல ஆச்சரியமான விஷயம் என்னன்னா, விஜய்யோட திரைப்பயணத்துல அவரோடவே பயணிச்ச ரெண்டு முக்கியமான நடிகர்கள் ஏற்கனவே இதே விசில் சின்னத்துல தேர்தல்ல நின்னிருக்காங்க. ஒருத்தர், நாம எல்லாரும் மிஸ் பண்ணுற நகைச்சுவை நடிகர் மயில்சாமி. ‘கில்லி’, ‘சச்சின்’னு விஜய்யோட பல படங்கள்ல நடிச்ச இவர், 2021 தேர்தல்ல விருகம்பாக்கம் தொகுதியில இதே விசில் சின்னத்துல நின்னு ஓட்டு கேட்டார்.
அடுத்ததா, ‘கில்லி’ முத்துபாண்டியாவே தான்! நம்ம பிரகாஷ் ராஜ் 2019 மக்களவைத் தேர்தல்ல பெங்களூரு சென்ட்ரல் தொகுதியில சுயேச்சையா நின்னப்போ அவரோட அடையாளமும் இந்த விசில் தான். விஜய்யோட ஆரம்ப காலத்துல இருந்து இப்போ அப்கமிங் படமான ‘ஜன நாயகன்’ வரைக்கும் கூடவே இருக்குற பிரகாஷ் ராஜ், அன்னைக்கு இதே விசிலை வச்சு தான் அரசியல்ல ஒரு சத்தத்தை எழுப்பினார். இது மட்டும் இல்லாம, ஊழலுக்கு எதிரா குரல் கொடுத்த ஆம் ஆத்மி கட்சியும் ஆரம்பத்துல இந்த விசிலைத் தான் ஒரு அடையாளமா வச்சிருந்தாங்க.
தமிழ்நாட்டுல தமிழருவி மணியன் தலைமையிலான காந்திய மக்கள் இயக்கம் 2016-ல இதே சின்னத்துல தான் போட்டியிட்டாங்க. இப்போ சுவாரசியம் என்னன்னா, அவர் தன்னோட கட்சியை விஜய்யோட TVK கூட இணைச்சுட்டார். இதெல்லாம் பார்க்கும்போது, இந்த விசில் சின்னம்ங்கிறது ஒரு தற்செயலா அமைஞ்ச விஷயம் மாதிரி தெரியல. ஏதோ ஒரு வரலாற்றுத் தொடர்பு இதுல இருக்குற மாதிரி தான் தோணுது.
நிஜத்தைச் சொல்லப்போனா, மயில்சாமியோ இல்ல பிரகாஷ் ராஜோ இந்தச் சின்னத்தை வச்சு ஒரு பெரிய வெற்றியை அடைய முடியல. ஆனா, இப்போ தமிழகத்தின் ஒரு மிகப்பெரிய சக்தியா உருவெடுத்திருக்கிற விஜய் கைக்கு இந்த விசில் வந்திருக்கிறது ஒரு பெரிய எதிர்பார்ப்பை ஏற்படுத்தியிருக்கு. சினிமாவுல ‘விசில் போடு’ன்னு பாடின விஜய், இப்போ அரசியல்ல அந்த விசிலை வச்சு ஒரு மேஜிக் பண்ணுவாரான்னு 2026-ல தான் தெரியும். சின்னம் கிடைச்சது ஒரு பக்கம் இருந்தாலும், அதை மக்களோட ஓட்டா மாத்துறதுல தான் விஜய்யோட நிஜமான சாமர்த்தியம் இருக்கு!
